sulu king kumbintu.. .? Ita ing ana'kung Crispin, dapot
e ko malyaring akit uling masakit ya ing cura at dakal
ya salapi at ding salapi malyari lang mabating. Mangadi
tamu. . . ipangadi ta ya ing kaladwa ning cura!
Aku pigdala keng apalya at dakal a gule. Ing hardin
ku mitmu yang sampaga at atin kung adwang anak.
Atin kung hardin at gagambulan ko ring bulaklak at
atin kung adwang anak. . .!
Inyang binili ne ing leprosu meko yang daralit:
"Aku atin kung hardin at bulaklak. . . atin kung anak. . . hardin at sampaga.. "Nanu na ing arapat mu keng kalulung babaing yan...?” nganang kinutang Maria Clara kang Ibarra.
"Ala pa. Limbug nya't sukat kanyang mapilan aldo at e ra balu nung nu ya karin...nganang megutgul a kaysipan Ibarra. "Subali pa, dakal kung tutu lingunan, dapot e ko migaganaka, ing cura pengaku nang saupan na ku, at inusuk na ing dakal a kaingatan at kalihiman kaniti, uli ra marahil ding Guardia Civil. Buri neng tutung sopan ning curaV
"E na wari sinabi ning alferez ing papanintu nu ring anak. . .?”
“Tutu, dapot kanita balamu. . . maka-inum ya..
Kaybat nang sinabi iti, ikit de ing mamulang pangyulyuta’ne ning metung a sundalus.
"Nanung sangkan darakpan ye . . .? Nanung depata'na?” ing kitang nang Ibarra.
"Nanung depata'na...? E yu ikit ing kagulwan a depata’na . . .?” ing pekibat ning sundalus a mamahala king kapayapa’na ning balen.
Dimput neng mamalagwa ning leprosu ing salikap na at saka ne meko.
Bisa neng muli i’Maria Clara uling itang ikit na pete nang lubus ing tula na at migmula yang melungkut. “Atin mu namang taung e maligaya.. .!” nganang bubulung.
Karas na king pasbul ning bale na, lalung miragdagan ing lungkut na uling e ne bisang salangi pa i'Ibarra at mamun ya:
“Atin kung lakaran a kaministilan. . .!”
Menik ya i’Maria Clara at ukula'na nang maging matamle la para kaya ring aldo ning pista ngening ding keraklan a datang, tau lang e na kakilala.
