Mayap pang melumud na ka e ka mu mika sakit anti
mo iya. ..
"Tutu pin . . .!” nganang minulung Maria Clara.
E na na inukul man ing dapta’na, mabilis yang linapit king salikap at lila’ne ing kwintas a binye na pamung Capitan Tiago kaya.
"Nanung depatan mu . . .? nganang mengapamulala ring kakalugura’na.
"Ala kung aliwang aibye. . . ,” nganang Maria Clara at ketang tima’nang akakit da pamanpan mu ketang Iwa nang kikislap karing mata na.
"O nanung dapta’na ketang mal mung kwintas. .?” kitang nang Victoria. "Limusan deng kwalta misan. Ing depat na, kinanwa yang patpat at tepus no ring kwalta. O nanu pin namang dapta’na karing kwalta ngening alang metung mang tanggap king nanu mang ibat kaya. . .? Nung apanga’ne sa ing kwintas...!”
Linawe nong mitmung dirya ring magtindang kapangan, kaybat — “Nanung daptan. ..?” ngana king sarili na.
Ing leprosu linapit ya king salikap, diklut ne ing alahas a kinislap karing gamat na, siniklod ya’t inuma na, kaybat leko ne ing tuning na at sake ne kitkut ing kanwa'na king gabun a tiklwa'nang Maria Clara.
Ing dalaga selikut ne king abaniku ing lupa na at saka na pinulis ing Iwa na king panyu na.
Mekabulad ating metung a babaing linapit king leprosu a balamu mangadi. Makasalbag ya’t e mesukle ing bwak nang makaba at ketang ditak a salang babye ra ring suluging dalan meyakit ya ing lupa nang tutung makalunus ning mamulang a Sisa.
Inyang talna'ne, ginulisak ya ing leprosu at bigla yang tinikdo. Dapot sikmal ne takde Sisa at ding manakit mengaligkig la at ngana:
"Mangadi tamu. . . mangadi tamu. Todos los santos ngeni! Detang sulung deta ilang sulu king bye ring tau.. . Ipangadi ta la ring anak ku!"
"Pikawanyan yu la ... pikawanyan yu la ... pota manawa ya ing mamulang ...!’’ ngara ring tau, dapot metung man alang bisang lumapit.
"Akakit ye itang sala keta king kampanaryo? Ita i’Basilio, ing ana'kung kukuldas king lubid...! At itang
