"Ali, bayu ku magbalik kanita, kaylangan kong salesen ding mapilan a bage,” nganang madiwang sinalabat ning bayntau. "Malyari kung tanggapan king ing kapamahalan e ne kakilala ing balen dapot pamwalan kung ing balen lalu neng e balu ing kapamahalan. Ating niangatungkulan a alang ulaga, mangarok, nung ita ya ing buri yu, dapot atin mu namang mayap at nung deti ala lang akarapat, pauli na ning mitagpu la karing taung e bisang kimut: ding memalen a halus e maki pagmasabal king bage-bage makaparikil karela. Dapot e ku dinatang ban makibadbaran matulid kekayu dikil king bage iti: dinatang ku ban mawad king kekong usuk at ikayu sasabyan yu ing iduku ke ing buntuk ku arapan ding sidsad kapangitan a pasamba (idolo).”
"Wa, at iti yulit ku, pablasang keti, o ibaba me mg buntuk mu o pabustan meng manabu. .
"Ibaba ya ing buntuk o pabustan yang manabo?" nganang mimisip minulit Ibarra. "Masakit ya ing pisasabyan! Dapot, baket? Makasalangsang kaya ing lugud ku king balen ku ketang lugud ku king Espanya? Kaylangan kaya ing magbaba ban maging mayap a kristyano, dungisan ing sariling kapanamdaman ban agawa ya ing metung a mayap a kapagnasan? Kaluguran ke ing balen ku, ing Pilipinas, uling kaya utang ku ing bye at ing kakung kaligayan, at pauli na ning balang tau dapat neng luguran ing kayang balen; kaluguran ke ing Espanya, ing balen ding kakung pipumpunan, pablasang lipat ning sabla, ing Pilipinas utang na at maging utang na kaniti ing tula na at payntungulan; metung kung katoliku, sesesen kung malinis ing kasalpantayanan ding kakung pipumpunan at e ku akakit nung baket ibaba ke ing buntuk ku ngening iti mal yari keng itas, yampang ke karing kakung kasalang kabang deti malyari kong damusakan?”
"Pablasang ing marangle a nung nu ko bisang tanam atyu lalam dang upaya ring kekong kasalang, at laban karela ala kong sikanan. . . kaylangan ing uman ye pamu ing gamat a. . .’r Dapot ing bayntau e ne pepayntulutan misundu at nganang mikakamas:
"Uman a gamat! Dapot ikayu kelingwan yung ilang mekamate kang ibpa ku at inaun de pa king kayang kutkutan. . . dapot akung anak na, itá e ku ka-
