Page:E-Mu-Ku-Tagkilan-Noli-Me-Tamgere-ni-Jose-Rizal.pdf/202

tupad, kabang e mipayntulutan ing katimawa'ning amanu laban king kapalalwan ding mangalating masikampu : ding tangka manatili lang tangka, ding kapagmasikampuan manatiling kapagmasikampuan, at ing kapagpalalwan, kapagpalalwan mu rin. At ing cura pagmatula'na iti at mipatudtud yang manyaman. Metung pa, sakali datang ya ing metung a taung matas a tungkul a maki mangaragul at mangayap a tangka, agad na nang damdaman ing myayaliwang bage kabang king gulut na bibilang deng mamulang: Ing Kamalan Yu e ne kakilala ing bansa, ing Kamalan yu e ne balu ugali ring indyu, ing Kamalan yu paragula’no lub, at maya'pang ing Kamalan yu yang maniwala kang pulano at sutano at nung ninu pa, at anti na ning ing Kamalana tutu ping e ne pa balu ing balen, pablasang angga kanita menatili ya Amerika, at subali kaniti, maki kakulangan ya at keynan anti mo ing ninu mang tau, mapipilit yang maniwala. Ing kayang Kamalan atatandana'naman ing ban akwa ne ing tungkul mepilit yang paypawas dakal at mibatang lusuk, king iti dikila’na mung atlung banwa, king iya tutwa ne at kaylangan ing e na mimisip karing mangatas a paninap nune sukat nyang king kayang payntungulan: metunp a malating palasyo karin Madrid, metung a malating pibalebale king bukid at metung a masanting a panakitan ban magkabye nwan king korte, deti ila ring dapat nang pagdulapan Pilipinas. E ke manyawad himala, e mi yadwan ing dapta’na ing makakayap king balen kaninu mang datang keti anti mong dayuhan ban tumipun pibandyan at mabating kaybat. Nanung ulaga na kaya ning pasalamat o ring sumpa ning metung a balen a e na balu, nung nu ya alang agaganaka, nung nu karin ala ing lugud na? Ing tagumpe ban maging maulaga, kaylangan ing tabling ya karing balugbug ding kekatang pakamalan, king makapatulug king kekatang kakarinan o ning tibwan a misinup king kekatang abu; buri tamu king ine tagumpe maramdam babo tamung kutkutan ban ipali na karing kayang aslag ing dimla ning kamatayan, ban e tamu lubus muli king ala, nune ating ditak a mitagan kekatamu. Ala tang apangaku nanu man kenu man datang a manibala king kekatamung kalma. At ing marok na pa niti ya itang mako la potang magmula ra nang ababalu ing karelang tungkul. Dapot milalaut tamu king kekatang pisasabyan.”

— 192 —