panalig na karing gamat a manintun mu king pibandyan.
Subukan yung ilimpi, nung e makanyan, ing
pamipalakad tamung kapamahalan karin karetang balen
a kekong dinalo. .
“Oh!” nganang sinalabat Ibarra, "ita mebinang maragul a imbut; magmatula ta na ngening akakit tamung ing kekatang balen e tututul, ni e magkasakit anti mo ring balen karing aliwang kakarinan, at iti pasalamatan tamu king Relihyon ampon king kalam ding talapamahala.”
“Ing balen e ya tututul pauli ning ala yang siwala, e ya kikimut pauli ning tutu yang matawli, at ngayu ing e manamdaman uling e yu ikit nung makananu yang daraya ing kayang pusu. Dapot misan a yaldo akit yu at damdaman, at kalulu no retang manalumpakan king sikanan da babo ning kamangmangan o king bulag a panyalpantaya I Kalulu no retang magtamasa king kapamilata'ning pirait at darapat neng bengi, maniwalang ding sabla matudtud la! Potang ing aslag ning aldo sulwa’na no ring katawan ding anino, datang na ing makatakut a kapakibat; maragul a sikanan, metipun karing dalandalan a banwa, e mu nanung lasun a patakpatak metipun, e mu nanung pangisnawang saldak a mepuput, lumput king masala at matdas. . . Ninu ing mamayad kanita karing kautangan a ipalad ding balen king kekaba'ning panaun a sisikap ning historya karing daraya nang bilungan?"
“Ing Dyos, ing kapamahalan, at ing Kasalpantayanan e ra payntulutan datang ya ing aldo ita!” nganang Crisostomo, mangalimgiman keting bage. “Ing Pilipinas metung yang balen a maki Dyos at kalugura'ne ing Espanya; ing Pilipinas balu na nung nu anti dagul darapta’na kaya ning bansa. Ating pamagpalalu, tutu, ating kamalyan, e ku lilingad, dapot ing Espanya gagawa yang kapanumanan kareting kamalyan, bububu yang myayaliwang tangka, e ya maimut.
“Balu ku, at iti ya ing lalung marok. Ding kapanu manan a manibatan babo mipayalan lang ulaga karas da lalam pauli ning gawi rang e mayap ding keraklan, anti mo alimbawa, ing maragul dang pamagimbut misalapi king makuyad a panaun at king kamangmanga’ ning balen a payntulut king sabla. Ing pamagsamantala e na alarin ning matas a kautusan kabang alang kayupayan a malingap magbante king karelang panga-
