"Lon ku, aku naman ing kutang. ..” nganang Crisostomo Ibarra. "Oyni ing kutang ko: ‘Magwagi ku kening tangka ku ngening salukuyan. ..?”
"Katsura na namang kutang nyan...!” nganang Sinang.
Peparugang nong I ban a ring dais at kaybat penintun de king libru ing pakibat.
"Ding paninap, paninap la. ..!” ngana ning pakibat a binasa nang Albino.
Kinwa neng Ibarra ing telegramang tinggap na at lidlad neng gagalgal a gamat.
"Kanyan, miglaram ya ing kekong libru. . .!” nganang masayang Ibarra. "Basan ye. ..!”
‘Ing tatangka yung eskwela mipamayapan ya at sinambut kayu king pyamanwan yu’, yan ing sasabya’ning telegrama.
"Nanu ing buri nang sabyan nini. ..?” ngarang kinutang.
"E yu sasabyan pamu king regalwan ye itang mika masanting diling pakibat...?’’ nganang kinutang mitmung saya kabang pipitna’ne ing telegrama.
“Wa. . .! Wa. . .!” ngara.
"Nung makanyan oyni ing regalu ko," ngana at saka ne binye ing kapitna ning telegramang pirasu na kang Maria Clara. "Patalakad kung eskwela king balen ba'lang makapagaral ding anak a lalaki’t babal. Yang eskwelang yan ya ing regalu ku. . .
"O yang kapitna ning telegrama, nanu neman...?"
"Ini, iregalu ku neman ketang mika pakibat a matsurang dili. . .!”
"Ah! aku, aku ita. . .” nganang sinyo Sinang.
Binye neng Ibarra ing kapirasung papil at saka ne mabilis meko.
"O ini naman nanu ing buri nang sabyan.. .?"
Dapot marayu ne karela i’lbarra at belika'ne ing kakyalung nang ahedres.
Lepita'nong anti mong e pansing ding kayanakan a masigla. I Maria Clara pinulis na ing Iwa ning tula.
Metahimik ing sigla at mituknang ing pamipag salita. Ing cura lalwa'no ring bayntau at e na balu
