kapansing king panyatang nang alang bulad, alang inge
at nung bengi mu kanita ukulan da maglalage ya.
“Dinan yeng pamangan yang kalulung babai . . ngara ring mangatwa. “Hoy! meka keni . . .!”
Dapot ing babai e no pinsingan at sinulung ya ketang mesa ning cura. Iti melikid ya at inyang akilala ne ing babai atabili ne ing kutsilyung tatalna’na.
"Dinan yeng pamangan ing babaing yan...!" ing utus nang Ibarra.
"Meging pisak ya ing bengi inya ding anak lalbug la. ..!” nganang bubulung ning magpalimus.
Inyang atiglapa’ne ing alferez at pigmula’neng pekisabyan, misdan ya at milayi ya at sinulud karing dutung.
"Ninu ing babaing ita . . .?” nganang kinutang.
"Metung yang alang palad a memulang king uli ningtakut at palsimi!” nganang Don Filipo. "Apat neng aldo rnakanvan. . ."
"Aliwa ya ita i’Sisa. . .? nganang mika diwang kinutang Ibarra.
"Sinukul de ring sundalus yu. . .nganang manamdaman sinabi ning tininti mayul king alferez. "Linakad de karing dalan ning balen uli na kanu ning depat ding anak na. . . e na man mimalinawan.
"Aba. . .! Ya ita ing Indu ra ring adwa yung munisilyos. . .?’’ nganang minarap ning alferez kang Fray Salvi.
Ing cura tinangu ya.
"Limbug na la't sukat ding anak at metung man alang mekyalam karela. ..!” nganang mabagsik tinuglung Don Filipo kabang lalwa'neng maratna ing gobernadorcillo at iti dinuku ya.
"Payntunan ye itang babaing ita . . .!’’ nganang minutus Ibarra karing utusan. "Apangaku kung syasatan ku ing mepalyari at layun panintunan nung nu la karin ding anak na. . .!”
"Mewala la ngayo...?" nganang kinutang ning alferez. "Mebating la ring munisilyus yo, padre . . .?”
Pemirapla’nang inukuk ing alak king basung atyu king arapa’na at tinangu ya.
