ning dyamante babo ring punlas na. Ing minuna nang
timan kang Ibarra at ing minunang lulam naman á
milarawan king kanwa'na kang Padre Salvi neman. Iti
aulata’na ita dapot kinwa na king é bubulad.
Oras ning pamangan. Ing cura, ing paring talasaup na (coadjutor), ing Pekapun ding Guardia Civil (alferez), ing gobernadprcillo, at mapilan pang capitan pati na ing tininti mayul, linukluk no king mesang pamuntuka’nang Ibarra. Ding pengaring babai e ra pepayntulut ing ating misamut a lalaki king mesa ra ding dalaga.
"Ngeni sana Albinu, e mu na pibiru-biru ing sasabyan mung aspak la ring bangka. . . nganang Leon king metung a e misundu pamag-pari (ex seminarista).
“Nano ,nanu ita.. .ngara ring matwa.
“Jesus, saramulyung tao...!”nganang sinyo makatiman Tya Isabel.
"Ati’na kong abalitan, ginung alferez, king marok a taung (criminal) menampalasan kang Padre Damaso. . .,” nganang kinutang Fray Salvi kabang mamangan la. “Ninung marok a taung (criminal) amanwan yu, Padre?’’ nganang kinutang ning alferez at sisilipa'ne ing pari king basu ning alak a inuma'na.
"O ninu pa. . .? E kasi itang menampalasan kang Padre Damaso king dalan napung gatpanapon. . .!”
"Penasakit ne i'Padre Damaso ...?” ngarang myayo kinutang ding mapilan.
Ing paring talasaup ning cura titiman ya.
'Wa. . .! At i’Padre Damaso oyta ngeni makarate ya Babalita ra ya naman i’Elias a minugse kekayu king labak, ginung alferez....!
Mengalare ya ing alferez king dine o king alak.
“E bala'ku mo anti ning ikayu ing alferez ding Guardia Civil, balu yu na ing milyare. ..!” nganang maki sunung sinabing Fray Salvi.
Kinet no ring labi ning alferez at e na balu nung nanung gawa'nang sangkan.
Alang kapyadyan, linto ya ing metung á babaing maputla, payat, at makalunus a pamiblas. Alang me-
