lalaki, kabang ding dakal a utusan, babai’t lalaki samal
lang mamamutput bulbul manuk, tutun nasi at maglitsun
siping da ring mitataung kalang. Kasumangid
pangpang ketang lugal a malinis makatipun la ring
dakal a lalaki at babai lalam ning toldang Iona a
makatali karing sangang-dutung at estakang tinasak da.
Ati'lu karin ing alferez, ing paring kasaup ning cura
(coadjutor), ing gobernadorcillo, ing tininti maytil, ing
guru ning pipagaralan at dakal a capitan at detang
memag-tininti na, angga i’Capitan Basilio a pengari
nang Sinang, ing matwa nang kalaban ning meangubye
Don Rafael Ibarra king lumang pisasabyan. Nganang
Ibarra: "Pisabyan tamu ing matulid at ing pamipagmatulid
e na buring sabyan ing misasalang tamu.”
Ating bantug a talapawaga ra ring mangatwa tinggap
nang mipnung tula ing anyaya at pepabal yang atlung
pabu karing utusa’na at deti pepaupaya no kang Ibarra.
Ing cura tinggap deng mipnung kagalangan ding sabla angga na ing alferez"Nu ko iba't padre. . .? ” ngana ning alferez kabud ikit neng mengagalus at ing abitu na mitmu yang malanging bulung at sangang tanaman. "Misakab kayo..?”
"Ali, melili ku. . . ,” ngana, at dinuku ya ba’nang Ion ing itsura na.
Pemusni ra ing lemonada, pemangal do ring buku ban keta ding ibat mindilu atin lang inuman at paglangutan anti mo ing mura rang laman ding buku a maputi pa king gatas. Ding babai dininan dong kwin (as a bulaklak maki samut rosa at ilang-ilang a babye pabanglu king bwak dang makasalbag. Ati’nang makalukluk, ati’nang makahilig karing duyan a pakabitin karing sangang dutung, ati’nang myalung makapadurut king metung a batung malapad. Babo niti, ating ipis, ahedres, aklat, sige at batting mangalati.
Tiru re king cura ing sugatan a dapu at e ne pansin nune mu inyang sabyan dang i’lbaria yang mekasugat king dapu. Ing malisik a pilotu dapot e pikabalwan ala na yu uling tiniplad ne bayu ya pa datang ing alferez.
Katatawlyan, linwal ya i'Maria Clara king pipandilwan kayabe no ring kakalugura’na. Mengari ya mong bulaklak a bayu pamung mibukadkad king kikilap nang ambun ning abak, a makitulad king kislap
