king kasiping tang pulu, lele nitang baliti. Inya
mibangun keng maranun ba’na keng e dasan ning pali
ning aldo.”
Mibalak ya ing pari kaybat ngana:
"Amuyuta'na ku ning anyaya inya tatanggapan ku ba'kung ipakilalang ala kung sisikap a mwa kekayu. E ku mu mituking maranun. Muna na kayu at saka na ku datang. Tuparan ku pamu ing katungkulan ku. Ma'pa ikayu timawa kayu, malaya kong malaya.. ."
Penandit mu kanita memu'ne i'lbarra ba'nang isadya ing pista ra kabukasan. Madalumdum na inyang tinipa ya.
King dalan lepita'ne ning metung at pigaya’neng mipnung kalangalang.
"Ninu ikayu...kitang nang Ibarra.
"E yu ku balu lagyu . . .ngana ning kitnan. "Adwa ra na kong aldo panayan . . .”
“At baket...?"
“Uling metung man ala nang melunus kaku, uling ngara metung ku kanung mapanako, Ginu. Ding ana'ku mebating la, ing asawa ku memulang ya at ding sabla sasabyan da ya pang bage kaku ini...”
Maliksi neng binikas Ibarra at nganang kinutang:
“Nanu ing buri yu ngeni...?”
"Adwan ku ing pakalulu yu king asawa ku at karing ana'ku”
“E ku malyaring mangabala,” ing pakibat nang Ibarra. “Nung bisa kayu tukyan yu ku at kabang dalan isalita yu kaku nung nanu ing merapat kekayu."
Pepasalamat ya ing lalaki, tinukli ya at selikut no nong dulum na ning dalaan a bagya mu myaninagan karing sulu na
