ding, ing kapatad ku kang Inang ku, ngara king masirasira
ya tiling e ya mamangan, e ya mandilu at alang
maki balu nung makananu yang mabibye. Panikwanan mung e ya mituki...!”
"E malyaring e taya anyahan. Ing katutubu tang panugali iti yang yutus na,” nganang Ibarra. "Atyu keti kekayu, subali pa, pepakit yang pantas a tau kaku. Inyang kutna'na ku ning Alcalde dikil king pamangalakal a sinabi ku keka, pinuri na kung mayap at ditak man e ya minamgangan. Dapot akakit kung keka maragul a bage iti. E ka migaganaka, king bangka e ya makapakyabe kekatamu.”
Meramdam ing maynang takbang. Ya ing cura. Lalapit yang makatiman a pigawa.
"Karimla ning angen.ngana. "Kabud ikwa na ka ning dimla, e na ka lakwan anggang e datang ing lisangan. E ko tatakut mikarimla. . .?”
Ing siwala na gagalgal at ing panlalawe na makatangad king marayu at e no lalon ding adwa.
"Kekami, padre, makayama ya ing kabengyan. At ing amyam makapaldan,’ nganang mekibat Ibarra.
"Deti ila ring bulan a maki ditak a uran at maki aldo.
Manganabu la bulung ding mapilan a tanaman dapot lalsut no man ding bulaklak.” Mengisnawa yang saldak i'Fray Salvi.
“Buri kung tutu ing pamisanib da reting adwang panaun a e na katulad ning dimlang maki yelu,” tiglung nang Ibarra. “King bulan ning Pebreru magmula nong mamuku ring dutung a mamunga at king bula’ning Marso mupul na keng malulut a bunga. At potang da tang ing kaleldo pupunta keng aliwang lugal.”
Tiniman ya i'Fray Salvi. Mipagsalita king bagebage karaniwan, king panaun, king lakad ning balen, ning pista. I’Maria Clara ginawa yang sangkan a likwa’no ring adwa.
"Apisabi ta na rin ing pista, payntulutan yung anyahan da kayu, padre, king pistang-bukid a pikayari ming daptan bukas, ikami at ding mapilan a kakaluguran.”
"Nu karin yu daptan...?”
“Ding kadalagnan apili re itang sapang mamagus
