dapot lakwan yu na kung dili keti, lakwan yu na ku ban
mate keti!"
"Sulung na! Sapilitan ing tuki ka, at nung é ka tuking masalese igapus da ka.”
I'Sisa abugnus na na ing makapangablad a ngulangul. Detang adwa ala lang lunus.
“Pabustan yu ku mung munang ditak!” nganang makisabi inyang damdama’nang bigla reng talnan at kulyutan.
Ding adwang sundalus anti lang melunus at misabi lang mayna.
“Dale,” nganing metung, “anti na ning ibat keti angga king miras tamu king balen malyari kang mulayi, magbili ka pilatan mi. Potang ati’ta na karin, mal yari na kang munang adwang pulung takbang kekami, dapot mimingat ka! E ka lulub king kaysanu mang tindahan, at e ka tutuknang. Sulung na, at malagwa!”
Bigu la ring kayang panigapu, e la mipakiramdaman ding kayang katuliran, ala lang ulaga ring pangaku. Sasabyan ding sundalus ing dakal na ing karelang penusig at milalu na ing karelang pigkalub.
Inyang ati’ne pilatan ding adwa, maybug yang mate king dine. Tutu alang lalakad king dalan, dapot, ing angin, at ing sala ning aldo? Ing tutung kahinhinan manakit panlalawe mu man karing karinan. Tikpa’ne ing lupa na king kayang panyu at lalakad anti mong bulag, kinyaka'nang tahimik ing kayang kamarinayan. Balu na ing keala’nang kalma, balu na ing pepaynggultan de ring sabla pati na ing kabud kayang asawa, dapot angga ngeni bibilang na pang marangal at kalangalangnan ing sarili na: angga ngeni lalwa'nong mipnung lunus detang babaing masagwa piblas a ing balen pamalagiwa'nang babai ring sundalus. Ngeni balamu mibaba ya pang metung a balitang kareta king era’na ning bye.
Meramdam ing kalantug ding daratang a kabayu; karetang magdalang asan a pamisali karing balen a pakalaut. Magbyahi la, karing mangalating tapak ding lalaki at babai, pililibudtan ding adwang kaing a makatoto karing mingatba nang katalindikingan ning kabayu. Ding mapilan karela, potang lumabas la tulid
