kawal da king paglub da't pamanyamsam karin Roma
at. e ra ikwa mang milukluk king Capitolio : kasalpantayan
a tinubu king ulap pinaid na’t pitda ning pali
ning ugtung-aldo. Ngeni naman, ding kristyano king
minunang panaun (primeros siglos) é la maniwala
king Purgatorio: mamamate lang matula pauli ning
kapaniwalan dang kamate ra akarungut deng arapan
ing Dyos. Ding minunang paring katoliko a sinambitla
kaniti balamu ila ri San Clemente ning Alejandria,
Origenes at San Ireneo, pauli na mekad ning agyat na
ning relihyun nang Zarathustra, a makasilad pa kanita
at mikalat king mabilug a Aslagan inya sa madalas tang
ababasa ing laban king pangayungyung nang
Origenes king Aslagan. I'San Ireneo patutwa’nang
atin ping Purgatorio uling i’Jesucristo tinipa ya king
kalalama’ning gabun at menatili ya karin lub ning atlung
aldo. Kanyan minasala nang ing balang kaladwa
kaylangan yang kuldas atlung aldo king Purgatorio
anggang e subling mye ing katawan bista man kasing
iti laban ya king sinabi nang Jesus, agpang king sinulat
nang Lukas : "Ngeni mu rin tuki ka kaku king Paraiso.”
(Hodie mecum eris in Paradiso.) I’San Agustin man
binggit ne ing Purgatorio at agya’mang é na patutwan
ing atin pin dapot ukula'nang é marayung atin nung
sukat isundu ketang aliwang bye ing é managyung parusang
kakamtan tamu king bye iti king uli ning depat
tang kasalanan.”
“I'San Agustin naman . . nganang pabiglang Don Filipo. "E na sapat kaya ing kasakitan tamu kete at buri na pang tuglungan. ..?” “Ken ya miras ing pisasabyan ta . . . Ating mani wala, ating ali. I'San Gregorio tinggap na ring bandang tawli king sinulat nang: "Sukat paniwalan, king uli ning mangalating pamikasala, kaylangan ya ing api king Purgatorio bayu ing kaligtasan ...” (de quibusdam levibus culpis esse ante judicium purgatorius ignis eredendus est.. .) dapot alang masalang mepikayari dikil kaniti angga ketang banwang 1439, kaybat ning walung siglu inyang ing Lupung ding Obispo ning Florencia pisyag nang atin ping aping maglinis karing kaladwa ra ding mete atyu king grasya ning Dyos dapot e na pa pemayapan ning kabanal-banalan a katarungan (Justicia). Katatawlyan, ing Concilio Tridentino, lalam nang Pio IV ketang banwang 1563, king kadwang
