“Jesus, Maria y Jose! Ay, lakwan da ko pamu. Duluk kung palaspas a mebendita at salangi kung kandila ning pamanisi . .Minulus ing uran. I'filosofo Tasio sindu na ing salita na kabang lalawa’neng mamako ing babai.
“Ngening ala na yu, malyari ta neng pisabyan masala iting bage. I’Doray, bista man lalabis ya pamaniwala (supersticiosa;, mayap nemang katolika, at é ku nais bugtwan king pusu na ing kayang pamaniwala. Ing malinis at matulid a kapaniwalan 6 mu apakyanti king bulag a pamanuki (fanatismo) nung makananung é mu apakilupa ing lablab king asuk at ing malambis a musika king dabumbung. Mipaparis iti kareta mung luse at maklak. Kekatang adwa, malyari tang sabyan king ing Purgatorio mavap ya, banal at ating matulid. Papanatilya'na ing pamyugne ra ding mete na at ding mabye pa at yang lilinis king pamibyebye ra ding tau. Ing dewakan atyu king pamagsamantala kaniti.
“Lon ta naman ngeni nung makananung milipat karing katoliku (catolicismo) iting bungang-ukul a é bitasang mababanggit king Biblya at karing Banal a Kasulatan (Santos Evangelios). Agyang i'Moises o i'Jesucristo katiting man ala lang sinabi kaniti, at itang ditak a mebanggit karing Macabeos e managyu. Subali pa kaniti, itang aklat e ne pepatunayan ning lupung ding obispo (concilio) ning Laodicea at ing Santa Iglesia Catolica tinggap ne inya namung tawli. Ing relihyun da ring alang Dyos ala ya naman kaniti. Ing metung nang dake ning aklat a sinulat nang Virgilio (Alioe panduntur inanes) a pepaysip kang San Gregorio, ing Mayupaya (San Gregorio el Grande) ba'nong isalita ring kaladwang melumud, at minye diwa kang Dante ba’neng banggitan mu naman king aklat nang Divina Comedia, e mapalyaring yang penibata'na ning kapaniwalan a agyang ding Bramanes pa, ding Budhistas o ring Egipcios a minye king Grecia at Roma karing karelang Caronte at Averno, ala la kaniti. E ku no saglawayan pa ring relihyun da ring bansang atyu king Norte ning Europa: ing relihyun da reta, kasalpantayan da ring maghimasik, ding taladalit, ding mamaril at aliwa ing karing filosofo. Bista man tutukyan da pa iti pati na ing pamagmasusing katulad ning karing kristyano é ra la rin ikwang inantabayanan ding
