pulu't limang kapulungan (XXV) pepatipa ne ing kasulatan dikil king Purgatorio a magmulang anti kanini:
"Kagum ning Santa Iglesyang inaslagan ning Espiritu
Santo...” (cum catholica ecclesia, Spiritu Sancto
edocta. . .) a nung nu masasalese king ing karalungan
da ring mabye, ing panalangin, limus at aliwa pang
dapat a pamamakalulu, ila ring matimbang a paralan
king pangayatbus da ring kaladwa, bista man babo
ning sablang iti matimbang yang lalu ing misa. Dapot
ding protestanti e la maniwala kaniti, at ding pari
ning Grecia ali la naman, uling e la manakit king Biblva
nanu mang patutu kaniti, at ngarang sasabi king ing
pamamakibat king depat tang mayap o marok mapupus potang mete ne ing tau. At ketang panabilin karing
pari a ngana: "Nanu man ing pisanib yu keti sulip. . .”
(Quodcumque ligaberis in terra . . .), "kanyan e ya makasakup ing Purgatorio (usque ad purgatorium, etc. . .)
uling ati yu libutad ning gabun, iti ati ne king sakup
nang San Pedru. Dapot e mapupus ing salita ku nung
sabyan ku ngan ing abalu ku dikil kaniti. Nung buri
mung apisabi tang mayap iting bage, pasyalan mu ku
keta bale, itang aldo buri mu, at karin malyari tang
suryan ing sasabyan da ring aklat ku dikil kaniti. Ngem,
mako na ku. E ku ayntindyan nung baket neng benging
anti kaniti, ing kabanalan da ring talatuki nang Kristo,
kapanakawan, inya aku pigaganakan ko ring libru ku.
E bala sana nung panakawan da la ba’rong basan,
paburen ku la, dapot ali, ding keraklan inya buri rong
akwa ba’rong silaban at ngara daraptanan da ku pang
mayap kaniti, subali king ing dapat a iti makabage king
principi Omar, makatakut. Ding aliwa galang ukulan
dang e na ku malyaring muli banwa uli ra mu detang
aklat kung deta.”
"Mekad naman maniwala kayung ating kaparusan.. .?” nganang linwal kanitang Doray a magdalang bandehang lata a nung nu ya maduduluk ing palaspas a silaba'na. Makapanguku ing asuk na bista man manyaman a bau.
"E ku balu, Ginang, nung nanung dapta’na kaku ning Dyos.. ..” nganang mekibat Tasio. Migunam ya, kaybat ngang tinuglung: "Potang maginghalu na ku, ibye kung alang takut kaya ing sarili ku, at Ya nang bala nung nanung buri nang daptan kaku. Dapot atin
