pulo ket lima a sentimetro! Toy balay a patpatakderenmi addanto
bodegana a pagidulinan, addanto silsiledna iti uneg ti daga,
addanto pakaipupukan dagiti nasadot, ket iti asideg, iti asideg unay iti yan a pagay-ayaman ken pagwatwatan, tapno dagiti
madusa inda mangngeg ti panagraragsak dagiti nagaget. ?Makitayo davta dakkel a lungang? Isunto dayta ti pagtatarayan ken
paglalagtuan iti ruar. Dagiti babbai addanto minuyunganda nga
adda bangbangkona, pagpalpallayugan, daldalan a napaigidan
kadagiti inda pagay-ayaman, addanto pagpuspusuakan ti danom,
addanto tangtangkal dagiti tumaytayab, kdmpy. !Nakasaysayaatto
daytoy!
Ket ni Nior Juan inna pagrisrisirisen dagiti im-imana, a panpanunutenna ti inna pannakaidayaw. Mapanto dagiti taga sabali a daga a kumita ket indanto saludsuden: — ?Asinno ti naindaklan nga arkitekto a namatakder iti daytoy? — ¿Saanyo nga ammo? !Kasla di agpayso a diyo am-ammo ni Nior Juan! ¡Awan duadua nga adayo unay ti naggapuanyo! kastanto ti isungbat dagiti amin a tattao.
Dagitoy a panpanunot ti adda kenkuana no inna sursursuren amin a di mangan-ano, inna kitaen amin, inna amirisen amin.
—¡Ado unay dayta a kayo nga aramidem a tag-ay (kabria)!- kinunana iti maysa a lalaki a nakusnig a mangiturturong iti aramid dagiti sumagmamano a tattao;—!no siak, umanayen ti tallo nga atitiddag pagsasangalaen ken tallo pay a panuray kadakuada!
—¡Ni!—insungbat daydi lalaki a nakusnig, ket immisem iti naipadpaduma;—no ad-ado ti intay ikabil, ad-ado met la ti pamuyaan. Ti pakabuklanna nasaysayaatto ti buyana, napatpategto, ket indanto kuna: “!aya unay nagado a naaramiddan!” !Kitaenyunto, kitaenyunto no kasano daytoy tag-ay (kabria) nga aramidek! Saakto ikkan kadagiti parparaypay, bulbulong kada sabsabong ... makunayunto iti kalpasanna a napudnuanyo ti nangawat kaniak a kas maysa kadagiti tattaoyo, ket ni apo Ibarra awanto ti sapulennan!
Ket daydi tao agkatawa ket umisem; ni Nior Juan umisem met ket inna pagkutien ti ulona.
Iti di unay adayo, adda makita a dua nga abong-abong, a pinagtipon ti maysa a palapala a nasapawan iti bulong ti saba.
Ti mangisursuro iti pagadalan ken tallo pulo ngata nga ububbing agar-aramidda kadagiti balbalangat, ikikkanda iti paraypay
