Ngem ti yan ti adadda a garaw, a nganngani pay agbalin a maysa a kibor, iso ti nalawa a tanap iti tuktok ti maysa a turod a di unay adayo iti balay ni Ibarra. Agranitrit dagiti mut-muton, adda mangngcg a iri, uni nga umad-adas iti killi-ing ti pirak, iso ti uni ti bato a matagaan, ti malo nga agipalok iti lansa, ti wasay a mangtaga iti awanan. Aduda dagiti agkalkali iti maysa a nalawa ken nauncg nga abot; dagiti dadduma inda ur-urnusen dagiti batbato a naala iti bantay a bato nga adda iti sakop met la daydi nga ili, adda agidissaag kadagiti naikarison, adda agibunton iti darat, adda agisagana iti torno, kabrestante.
—¡Ditoy! sadiay dayta! ¡Kartinganyo!—ipukpukkaw ti maysa a panglakayenen a nabiag ket nasaririt ti langana, nagiggem, a kasna sarukod, iti maysa a "metro" a napaikingan iti gambang a iso ti nakaipulipulan ti lubid ti “plomada”. Iso ti maestro de obras, ni Nior Juan, arkitekto, agkabkabiti, allawagi, agpalpalitada, agikabkabil iti tutulbekan, agpinpinta, agtagtaga iti bato, ket pasaray pay eskultor.
—¡Masapol a leppasen ita met laeng! ¡Inton bigat saan a mabalin ti agaramid, ket inton kasangabigat, iso ti rambak! !Kartinganyo!
—¡Mangaramid iti maysa nga abot a pakaitutupan toy nagbukel itoy!—kinunana kadagiti agtagtaga iti bato a linlinisenda ti maysa a bato a dakkel a uppat ti rupana;—Iiti uneg daytoy intono maikabil dagiti nagnagan tayo!
Ket inna ulit-ulitan iti tunggal sangaili nga umasideg ti namenribo nga inna sinasaon.
¿Ammuyo ti inkam patakderen? ¡A ket, maysa a pagadalan, pagtuladanto dagiti dadduma, kas kadagiti pagad-adalan sadi
Alemania, nasaysayaat pay! !Ti plano inyugis ni arkitekto, apo R., ket siak, siak ti mangiturong iti pannakaaramidna! Wen, apo; makitayo, daytoy, maysanto a palasio a dua ti payakna; ti maysa isunto ti pagyanan dagiti lallaki ket ti maikadua isunto ti pagyanan dagiti babbai. Ditoy tengnga, addanto nalawa a minuyungan a pakaikabilanto ti tallo a pagpusuakan ti danom; sadiay, kadagiti bakbakrang, addanto kaykayo, babassit a pagmulmulaan, tapno dagiti ububbing indanto agitukit ken agtaripato kadagiti mulmula, no madamada nga agin-inana ken agay-ayam, ket masursuruda nga ilalaen ken di daddadaelen ti kanito nga aglabas. ¡Kitaenyo ti kaadalem dagiti simento! ¡Tallo a metro ken pito
