matmatana ket nasayaat ti pannakayugis dagiti bibbibigna. Da
giti bubuokna a nangisit, atitiddag ken di masagsagaysay, agtinnagda iti nabaneg a tengngedna; maysa a bado a nagubsang ken
nalidem iso ti mangipadlaw, babaen dagiti nagripripianna, ka
dagiti nabaneg a pispiskelna a mangtulong kadagiti napigsa ken
siu-uyos a taktakiagna a mangiggem a kasla dutdot, iti maysa nga
akaba ken napalaos nagdakkel a tagwan, nga iso ti pangyurit
(timon) mangiturong kadagidi dua a bangbangka.
Ni Maria Clara saan a naminpinsan a natakuatan a kumitkita kenktiana: iso, no kasta, dardarasenna nga iturong iti sabali dagiti matmatana ket kumita iti adayo, iti bantay, iti igid. Simnek ti asi daydi balasang iti kinamaymaysana, nangala iti galietas ket intedna kenktiana. Daydi mangyurit kinitana a kasla nasdaaw, ngem toy a ikikita nga apagdarikmat laeng ti panagbayag na; nangala iti maysa a galieta ket nagyaman iti baba a sao, nga apaman la a nangngeg ti timekna.
Ket awanen nakalaglagip kenkuana. Dagiti naragsak a katkatawa ken ang-angaw dagiti babbaro ken babbalasang saanda man a pagkutien ti uray la no maysa nga urat ti rupana; saan a mapaisem ni naragsak a Sinang, a no kuddutenda, mapilit nga agmurareg iti apagdarikmat, sa man met la agsubli iti daan a ragsaknan.
Idi nalpasda a namigat, intuluyda ti napan iti yan dagiti paspasabing.
Dagitoy, duada, na gaddayuda bassit: kukua ida ni Kapitan Tiago. Manipod iti adayo, addada makita a tegga-ak a nagbatay kadagiti murmurdong dagiti kawkaway;an a nayalad, a kas da agbuybuya, ket addada met sumagmamano a kankannaway, tumaytayab a puraw, a naganen dagiti tagalog iti alaway, nga agtayabda a ti la adda a maturturungda, masagidda kadagiti paypayak da ti rabaw ti danaw ket inda punnuen ti tangatang iti makatitileng a unida.
Ni Maria Clara sinipsiputanna dagiti kankannaway nga idi ta umasideg dagiti bangbangka, nagtayabda a nagturong iti asideg ti bantay.
—?Idiay bantay ti yan ti umok dagita a tumaytayab?—sinaludsudna iti daydi mangyurit, nalabit saan a iti ayatna a makaammo no di ket iti ayatna nga inna makasao.
