—¡Uminumakto met iti itsa ket manganak to pay iti galietasl —insungbat daydi naannugot a seminarista;—naimbag a gasat ta awan romanista kadagitoy a in-inumen.
—¡Ngem mabalinyo . . . ? —sinaludsod ni Victoria.
—¡Ti agchokolate pay? !Wen la ket di a! No di la ket unay mabayag ti pamigat . . .
Ti bigat nakasaysayaat unay; ti danom mangrugi a rumaniagen, ket ti silnag nga aggapo sadi langit ket ti aganninaw iti danom pataudenna ti maysa a lawag a mangraniag kadagiti nadumaduma nga adda, a nganngani awan sipngetda, maysa a lawag a nasilnag ken nalamiis, napunno iti ado a buya, a kunatay nga adda kadagiti dadduma a fataaw.
Istay isuda amin maragragsakanda; masaysay-upda ti apagapaman a pul-oy a mangrugrugi nga agriing: uray payen dagiti inna, a nakaung-unget ken nakaan-anawa laeng; agkakatawa ken agga-angawda metten.
—¿Malagipmo? —kinuna ti maysa ken kapitana Tika, —dmalagipmo daydi intay met panagdidigos idi iti karayan, idi babbalasangtay pay? Pagammuan la ta adda idi ikuyog ti ayos a ubbak ti saba a napunno kadagiti bungbunga a nadumaduma a nailalaok kadagiti nabanglo a sabsabong. Tunggal maysa adda ikuyugna a bassit a paraypay a pakabasaantay idi kadagiti nagnagan tayo . . .
—?Ket no agawidtay idi kadagiti balbalay tayo?—innayon met ti maysa, a dina pay pinalpas ti sao ti immuna,—masarakantay idi a nadadael dagiti rangrangtay a kawayan, ket iso daydi intay mapilit a mangtukod kadagiti babassit a wawaig . . . Idagidi nasikap!
—¡Wen! —kinuna met ni kapitana Tika; —ngem siak idi kaykayatko nga ibabasa ti gayadan ti pandilingko ngem ti innak lukasan ti luppok: ammok idi nga iti likudan dagiti babassit a kaykayo iti igid, addada matmata nga agsipsipot. Dagiti babbalasang a makangngeg kadagitoy a sarsarita, agkikinniddayda ket umis-isemda; dagiti dadduma adda met bukodda a sarsaritaen ket saanda a mangitaltalek. Maysa laeng a lalaki, daydi mangyurit (piloto) ti adda a siu-ulimek ken di makiramraman iti daydi a ragsak. Maysa a bumaro a nabaneg ket ti langana makaawis ta naliday dagiti dadakkel a
