Insardengna ti nagdayyeng ket kimmita iti nasipngct. Awan
aggapo iti ili, no di laeng ti angin a mamagtinnag iti danom a nabati kadagiti akakaba a bulbulong dagiti sabsaba.
Pagammuan, nakakita iti maysa nga nangisit aso a nagparang iti sangwananna; daydi aso adda angut-angutenna iti dalan. Ni Sisa nagbuteng, pimmidot iti maysa a bato ket binakalna. Daydi aso nagtaray a nagtaguob iti nakaal-aliaw.
Ni Sisa saan a naabusion. ngem napalalo a nagado dagiti inna mangmangngeg maipapan kadagiti agparparikna ken kadagiti asaso a nangisit, ket ni aligagget immapay kenkuana. Dinarasna nga inrikep ti ruangan, ket nagtugaw iti denna ti silaw. Ti rabii parayraycnna dagiti patpatien, ket ti nakem punnuenna ti tangatang kadagiti ar-araria.
Kinayatna ti naglualo, kinayatna nga inawagan ni Apo Santa Maria, ni Apo Mugna tapno saluadanda dagiti annakna, nangruna ni bassit a Crispin. Ket nalipatanna a dina napupuutan ti lualona. ta dagiti met la annakna ti innan pinanpanunuot a linaglagip dagiti langlangada a dua, dagiti langlangada a kanayon a mangpaisem kenkuana uray no matmaturog, uray no siririing. Ngem, iti apagdarikmat, nariknana a simgar dagiti dutdutdotna. Inmulagatna a nalaing dagiti matmatana; parparmata wenno pudpudno, iso inna nakita ni Crispin a sitatakder iti abay ti dalikan, iti daydi masansan a pagtugtugawanna a makisarsarita kenkuana. Ita, awan saona; inna kitkitaen kadagiti dadakkel a matmatana a napanunot, ket umis-isem. —¡Ina, manglukatkayo, manglukatkayo, ina! — kinuna ti timek ni Basilio nanipod iti ruar.
Ni Sisa nagkintayeg ket ti parmatana nagpukaw.
