Ngem gapo ti maysa a (lakes a nairana, napan ni asawana
ket kinnanna ti inapoy, ti pindang nga alingo, ti luppo ti papa, lima
a tuyo ken dagiti samsamatis. Ni Sisa awan sinauna, nupay inpagarupna nga iso ti inna lamlamuten. Idi nabsog ni asawanan, nalagipna a sinaludsod dagiti annakna; iso di nakaisem ni Sisa, ket, iti
xagsakna, inkarina iti uneg ti pusona a saan a mangan iti daydi a
rabii, a ta iti natidda, awan umanay a kanen ti tallo. Ti ama sinaludsudna dagiti annakna, ket toy, ken Sisa, nalalaing ngem ti inna
pannangan.
Idi kuan, innalana ti manokna ket kinayatna man ti nagtalawen.
—¿Dimo kad kayat ida a kitaen? —sinaludsudna a sikikintayeg; — ni apo Tasio inbagana kaniak a magabayda bassit; ni Crispin makabasan ket. .. nalabit a isangpet ni Basilio ti nateggedanna! Itoy naudi a sao, ni asawana nagmayeng, nagngata, ngem nagballigi ti anjelna a naimbag.
—No kasta, ibatiannak iti maysa a pisos!—kinunana ket pimmanaw. Ni Sisa nagsangit iti napait, ngem, nalagipna dagidi annakna, ket pinunasna dagiti luluana. Nagapoy manen ket insaganana da gidi taltallo a tuyo a natedda; dagiti annakna, saggaysa ket kagudua danto.
—Naimasto ngata ti pannanganda! — kunkunana; — nawatiwat ti dalan ket ti buksit a mabisin awan pusona. Sipapasnek a mangsisiim iti amin a di mangan-ano, intay masarakan a si-aaningas kadagiti ka-iinayadan a padekpadek; no napigsa ken nalawag, ni Basilio; no nainayad ken saan nga agpapada, ni Crispin, kunkunana.
Ti kulla-aw namindua wenno namitlo a nagunin iti bakir, nanipod idi nagsardeng ti tudo, ket nupay kasta, di pay la sumangpet dagiti annakna. Inkabilna dagiti tuytuyo iti uneg ti banga tapno saanda a mabaawan ket immasideg iti paraangan ti abongna a kimmita iti dalan. Tapno mailiwliwag ti nakemna, nagdayyeng iti nainayad. Iso, nasayaat ti timekna, ket no dagiti annakna inda mangngegan a mangidayyeng iti kundiman, agsangitda, a dida ammo ti gapona. Ngem iti daydi a rabii, ti timekna mamigerger ket dagiti aw-aweng nasadutda a rumuar.
