- Ti biag, maysa nga arapaap.
Apaman a nakastrek ni Basilio, naibasing a naituang kadagiti taktakiag ni inana.
Lamrnin a di masao ti immapay ken Sisa idi makitana nga is-iso ti dimteng. Kinayatna ti nagsao, ngem awan nasarakanna nga aweng; kinayatna nga inarakop ti anakna, ngem kaskasdi nga awan nasarakanna a pigsa; agsangit, saanna a mabalinan.
Ngem idi inna makita ti dara a nanigos iti muging ti ubing, imkis iti daytay ikkis a kas la mangipakdaar iti pannakapugsat ti maysa nga urat ti puso:
—¡Annak ko!
—Dikay agbutbuteng, ina! —insungbat ni Basilio; —Ni Crispin nabati idiay konbento.
—¿ldiay konbento? d'Nabati idiay konbento? ¿Sibibiag?
Ti ubing intangadna kenkuana dagiti matmatana.
¡A! — inyasugna, a napukaw daydi nakana a ladingitna ket naibales ti nalaos a ragsakna. Ni Sisa nagsangit, inarakupna ti anak na, ket pinunnuna iti ag-agek ti daradara a muging.
—¡Sibibiag ni Crispin! imbatim idiay konbento . . . ? ket, apay a nasugatka, anakko? ¿dNatnagka?
Ket inna inamiris a siaannad.
—Ti sakristan mayor, itay innalana ni Crispin —kinunana a saannak a makapanaw inggana iti maikasangapulo nga uras, ket gapo ta rabii met la unay, naglibasak. Idiay ili, kinienbibedak wenno kinamatdak dagiti sosoldado, nagtarayak, pimmaltugda ket maysa a bala ti nakasagid itoy mugingko. Nagbutengak a matiliw ta inda pagkuskusen a malmaluen iti datar ti kuartel, a kas namayanda ken Pablo, iso a masaksakit pay la ngarod.
