LI ACCENTU IN Ll LINGUE INTERNATIONAL
In li organ del « Academia pro Interlingua » (L. s. F.) « Schola et Vita », annu XIII, N°3, Sr. Mastropaolo presenta un labor pri li accentu. Pos har statuet 8 rubricas con general regules (ma ja contenent un númer de exceptiones e inacustomat accentus) il da regules de accentu por ceteri vocabules, ordinat secun lor sufixes e desinenties, u il ha ancor omisset, quam il confesse, vocabules rarmen usat in I. L.
Ti enumeration contene 8 págines con plu quam 200 divers finales. Che 3/4 de ti gruppes analysat, trova se ancor exceptiones de ti 200 gruppal extra regules. Esque vermen on posse presentar al publica por general usu un tal complicat systema?
Ma mem bon conossores de classic lingues ne va posser rectmen aplicar li regules, proque mem li paroles de grec origine in I.L. have un accentu foren, i.e. ti del italian, (nam li ver accentu del antiqui latin on hodie ne conosse). E ti accentu italian es foren al international usu.
Mern si un parol de grec origine vell subordinar se tam al regul general, quam al usu intemational per su accentu. ti accentu es mutat secun italian, p, ex. Olympiade, myriade, pléjade, àgape, bôlide, astrô nomo, anthropôphago, etc., etc., durant que in grec ili have li accentu sur li preultim sylabe : agâpe, astronòmos, etc. Ma « hippodrómo » in I. L. secue li modern accentuation italian durant que in antiqui grec on di hippodrômo » in I. L secue li modern accentuation italian durant que in antiqui grec on di hippôdromos. Talmen li sol criterie del accentuation in Interlingua es li accentu italian !
Just quam li pápa sempre deve esser italiano ! Un lingue presuposit quam international e por usu de omni classes del population e ne solmen por classic filologos o nascet italianes deve esser tam simplic e regulari quam to es possibil e juntibil con li altri postulationes a un tal lingue, tam plu si pluri modem lingues p. ex. F. possede un tre simplic e clar metode.
Tam li accentu quam ane li antiquat formes del paroles in L. s. F. (Interlingua) es foren al spíritu modern. Certmen on deve departer del latin. ma solmen de ti latin quel vive hodie in li intemational paroles, ma evoluer it, anc in li direction del regularisation secun li exemple del modem lingues, ma ne conservar omni antiqualya.
On ne posse retrotornar li historie e li evolution. E. de WAHL.
It existe ancor bon judicos. — Quande li american senator Borah esset judico in su natal cité de Boise, un povri olda esset acusat pri furt de pane. Li femina ne hat manjat desde du dies quande illa esset captet in flagrant delicte.
— Mi povri amica, Borah dit, li ley obliga me condamnar vos a un punition pecuniari de 5 dollars. Yo self va payar it por vos. Ad ultra, yo condamna omni persones present in ti sala a payar un 1/2 dollar a vos, pro li rason que ili ne honta esser cive de un cité quel abandona li povres e li oldes til un gradu que ili es obligat furter.
54
