de Lsf, simil al manuale de Beaufront por li studie de Ido. Noi have til hodie null vocabularium modern ! Li vocabularium de Peano es bon solmen por latinistes e ne por studiantes e scoleros. Divers nationes have divers modos de diction. P. ex. un polonés di : li avio canta sur li ciel durant que altri nationes di : in li ciel. Noi ne insiste pri nor propositiones, ma noi desire stabilisar li regules de interlingua.
Noi deve secuer li usu de altri adeptes de L. I. Noi deve crear congresses periodic, chascun annu in un altri cité, quam li Idistes, Esperantistes, etc.
Noi deve convocar un conferentie del Lsf-istes por stabilisar tandem li regules de Lsf. Si API ne secue ti opinion, quel es « vox populi », tande noi ne posse progresser - li hodial situation crea grav dangeres por li deman de nor comun e nobil idé - un lingue axuliari international.
IALA have li sam scope ma su labore es tro lent.
Con max grand estima: Leonar WEBER docent del Academie Veterinari in Lwow - Polonia - Kopernika 20
Desfacil divorcie
Pos 10 annus de maritagie, Sr. Durand e su marita vole divorciar. Ili ea che li pace-judico a quel ili expose lor intention.
- Esque vu have infantes, il questiona :
- Yes, noi have tri. Ma ta jace li desfacilitá. Yo vole du de ili e mi marita anc vole du.
Li judico reflecte un poc e dit :
- Vole vu un consilie ? Nu ! Si chascun de vu vole haver du infantes ante separar vos de unaltru, retorna ad hem in pace e efortia viver amicalmen durant quelc mensus til quande un quadresim infant va arrivar. Tande null obstacul va impedir vor divorcie.
Sro. e Sra. Durand revenit ad-hem demi-satisfat del consilie.
Un annu poy, li judico incontra Sr. Durand e questiona le :
- Quo nov evenit, mi amico ?
- Ne alquo bon ! Mi marita just recivet du gemeles. Omnicos deve esser recomensat.
'Homan saventie. - On ha calculat que in 450 annus on ha printat 10-30 milliones de libres e que plu quam 200.000 apari chascun annu, sin contar li 80.000 revúes e li 40.000 jurnales publicat in li munde.
Malgré li marcha del témpor, alcun objectes es tractat con un abundantie sin cessa renovat. In 1900 on evaluat ja ye plu quam 12.000 li númer del libres pri Jeanne d'Arc ; Goethe ha inspirat plu quam 20.000 libres, ma it sembla que a Napoleon apartene li record con 70.000 libres editet pri su person.
E li bibliotecas, temples del homan saventie, inricha se sin cessa. In un sol annu li National Biblioteca de Francia recivet 14.639 libres e 547.330 jurnales in leyal depó. In sam témpor it hat comprat 2900 libres e 23.000 numerós de revúes, recivente in ultra 129 donationes de Francia e 7600 de extrania.
53
