- ( 5 )
Miblas yang imalan anti yang é Sultan
ilang apusa'na deta ning musulman
ing sabla nang gayae queang gagamitan
ding mamamagtindang aliuang balayan.
Saca ya lilibut quilub na niug ciudad
susubuca'na la qñg pamaquimatiag
ya mong cayabe na metung nang alagad
Mesrur ing laguiu na yaus da ding lat.
ng misan á bergi anting micatagun
nita ni nang Abu queang asalubung
inagad neng quitnan at memugue layun
at mequibat neman ing Sultan á Harun.
Uling ing gani na ning matas á Sultan
anting comercianteng aliuang balayan
nitimong y Abu queang inaniajan
ngana malaus ya bale nang tuenangan.
Ita namang Sultan pablasang buri na
ing mapapaliari buri ping aquit na
malagua nang guingcas ing amanung ua
anti mong mepilit bagu yang nasa na.
Mipagsalita la quecaba ning dalan
abe re y Mesrur dane gugulutan
queti na ne quitnan ning Abu ing Sultan
insanung balayan queang penibatan.
Acu mercader cu qñg Musul menibat
at yang aguisingan ibat pa qñg anac
maralas cung caque queti nan qng Bagdad
ba cung manaquitan ditae mu mang pilac.
