- ( 4 )
Qng miliaring iti biclat nong mata na
pusu na menamdam canitang iquit na
inia miniabi ya masican guingcas na
mumutus qñg labuad ya pala ng cualta.
Saca ya sinumpa layu'nong inlagan
deta ning sinamba qñg quislap ning conant
ing dit á paglingap queang pasayangan
qng pamaquicuyug at yatung malaram.
At manginlag neman caretang babay
á mapangalacal qñg ingat dang puri
qug pamalsinta na lubus yang é sali
casumamia'na lang daig pa qñg buni.
Nun ting magministil aguiang macanian man
ing ninu ya pa man qñg queang caguiuan
lalu't nun itiuan é ne cabalayan
é na pasayangan mausta neng saupan.
Ing dapat á mayap pablasaug gaui na
caretang maluca ing mapaglimus ya
lalu nung ding bulag ampon salanta pa
daragdaga'na la dagul ning lunus na.
Ampon detang taung aliuang balayan
nung uari't ala lang sucat layunanan
canitang bale na agad nong aniajan
at pacana'na la ampon pang pagsilbian.
Y Harun-Alraschid qng panaun á ita
qñg dagul na nasa at buring aquit na
sabla rang daraptan ding sasacupa'na
maralas qng bengi ing pamanipa na.
