- ( 11 )
Quetang acaquit na anti yang masasdan
mabilug nang ucul qñg ita taguimpan
¿baquet maliari ya ampon maguing Sultan
qñg metung yang jamac tau qng balayan?
Bigla yang linapit metung á alagad.
nganang mengamanu at quea na guingcas
ing aldo pu Sultan ti'ne macasicat
pota ing pangadi mitauli qng horas.
Canitang dimdam nang sinabi ra quea
qñg é pin paninap itang acaquit na
canitang miniabi nganing pequibat na
jimalang itinan buring aquilala
Qng pangatudtud cu laguiung Abu-Hasan
¿baquet miguising cu miliari cung Sultan?
iti yang marsjil qñg encantong lalang
ó nun ali ca ya metung á teguimpan.
inte ning alagad ó guinung Monarca
migmulala cami qñg quecang pepasia
ica pu ing tune at icang talaga.
ing matas á Sultan inalal nang Alah.
Nun ya pin ing tutu cang Abung pequibat
ba'cung maniuala qñg ali paninap
ing metung quecayu quetan na cu gamat
nung matudtud cu man miguising cung agad.
Qng utus á iti ing metung á Dama
pablasang balu nang sisilipa'na ya
bing tune rang Sultan mialung á talaga
taliri nang Abu biglang quinet na ya.
