Page:Corrido qñg bie nang queralandalanan Abu-hasan.pdf/15

( 12 )

 Ing queang cuculio ngana aray, aray

nitang bigung tanug carelang pialungan

qng biling itinan itang tune Sultan

ing pamangaili na queang cacauatan.

 Iting pamialungan inagad nang guingcas

macaguising cu pin qñg sica'ning queat

quetang sinabi yu meniualang lacuas

acu't é aliua ing Sultan á matas.

 Y Mesrur á pun da ding sablang alagad

caibat nang dinucu miniabi yang agad

Sultan á guinu mi queting meto ciudad

icang pigsarian da ding Consejos ngang lat.

 Agad yang tiniedo iti nang bibiruan

detang sablang Dama tambing deng lepitan

a'ti nang mánimu at susucle naman

inapus deng tune qñg metung á Sultan.

 Iniang mayari na detang sablang Dama

pupuri lang sabla qñg Sultan monarca

manigtigan la ngan ampon pang magcanta

sabian pang tula ra alang casimpara.

 Saca re inatad bibiruan dang tau

layun pepalucluc qñg matas a trono

ali ya bubulad itinan ping Abu

ing jimalang ita é na apagsinu.

 Y Giafar á Visir yang queang paniatang

tambing yang siniclod cang Abung arapan

at agad migsulit qñg matas á Sultan

a'ti quepu queni manayang utusan.