- (9)
Quetang imala na agad pibablas de
qng bordadong guint á alang cayanti
saca re quiera qñg mulagang catre
ya ing cabas na ing Sultan a tune
At inaus no ngan detang sablang Dama
pepaquilala pe itang pinialung na
bucas panga-abac guisingan ye ngana
at queco yang yapus qñg tune Monarca.
Cacu cong silipan ibat potang abac
bung iting yutus cu mamintu co't tupad
at nung miguising ne quea congan marap
ning tau ping yan qñg Sultan tumulad.
Inaus nia naman ing Visir á mal
ing penabili'na macanian mu naman
ing sablang tungeul yung canacu daraptan
yang quea yu gauan pangacabucasan.
Binte ra qng Sultan ngara ngan pin Ua
at ing bigung tau pamialungan da ya
qng daptan dang biru mipapatlalu la.
pablasang ing Sultan pagumasda'na la.
Mararalumdum pa pangacabucasan
pablasang sadia rang daraptan qng Sultan
cang Mesrur y Abu quea yang lepitan
malale guinising nganang migpalambang.
O matas á Sultan á quecaming guinu
inalal nang Alah quetinan qng yatu
miguising na ca pu pablasang ing aldo
macasicat na ya ati na yu babo.
- 2
