- (8)
Qng miagcas á ita meili ya y Abu
gueua neng malasing guingeas nang amanu
é na na guenaca ing marajil lalto
ing dapat á biru malaliaring tutu.
Qng tula nang ita aisip ning Sultan
qng iti nang Abu quea yang pialungan
inia ing depat na lijim nang dininan
copa nang catulid qng pulbus ning apian.
Saca ne bilusan canita ning alac
ing mesabing copa inabut neng agad
ngana ó catutu at canacung liag
ing quecang pagnasan ya ing matupad.
Cang Abu ing alae bigla nang inucuc
at é na uculan maquipacatudtud
mecacabulad mu mebating ya lub
dicu neng buntuc na migdatun yang lubus.
Inia ping aquit ne ning mesabing Sultan
itang alagad na inaus neng biglan
ngana pin y Abu ibuat meng agaran
queca yang idala qñg Palacio real.
Iti mong y Mesrur pisana‘neng agad
ita ning mátudtud saca ne linacad
anting é magdala queang pamamuat
pablasang sadia ya magdalang mabayat.
Inia ping datang la qñg Palacio real
inagad nang guingcas ning matas á Sultan
icong sabla queti ing quecayung daptan
ing taung itinan yausan yu yang Sultan.
