- (7)
Nung macanian ngana pequibat ning Sultan
ding cabalayan mu é mo pacamalan
ua nganang Abu medalá cung tune
caring tampalasan meguing cálguran.
Selita na no pin miliaring minuna
ing sampat ning lub nang pepaquit careta-ng
binang tampalasan cacuyug nang sadia
ing cauauacasan á inablas da quea.
Nung mapaliari mu ing maguing Sultan cu
guian sang patingapun ilang parusan cu
balang é lulumo deta ninang lilu
at é ra na daptan qñg queņu mang tau.
Yan é maliuag ing binte ning Sultan
nupa uari manga ing quecang pagnasan
nun é cu sa lisia camamaranunan
mapaliari sanang cacu cang asaupan.
Aguiang macanian man queti cu mibalic
at acu qug queca ablasan cung pilit
at qñg bague pa la cang Abung pigsulit
bucas panga-abac ¿lisia na cang tiques?
Ua ngana pin mo ning matas á Sultan
itang calacal cu cacung salunsunan
nung matudtud cu mu ing cang Abung bingcal
queca yang ilapat ing pasbul qñg dalan.
Ua nganing Sultan ita é maliuag
pasbul é masaquit isara't ilapat
ita nin malagua at sariang matupad
at pasalamat cu caniting linĝasnĝas.
