Page:Charles Lamy - poèmes en patois Kimberlot.djvu/28

From Wikisource
Jump to navigation Jump to search
This page has not been proofread.


SOT PÈRE ............................ 105


Comme in fait tout à s’ volonté
Et qu’ l'in l' défind quind l'aute s’ fâche,
Habile à s’ mett’ de ch’ bon côté
Alle est l' cause d' broull’ dins l' ménache ;


Aprés, queuq’fos, j’ veux l' corriger,
De m’ gross’ voix, a don, je l’l'appelle,
Mais d’vinaint chou que j’ viens d’ songer,
Vite all' m’imbrasse et... j’ fais comme elle.


Bin qu’y n’a rien d’ pus naturel,
Vos me r’proch’rez, bonn’ gins, qu’ je l’ gâte,
N’impéche qu’ vos f’rez tout parel
Quind vos n’n’arez même él’vé quate.


D’s infaints quind in n’ n’a point cor eu,
In crot qu’y n’ f'ront rien d’autt’ qu’à s’ mote,
A l’ premiérr’ fille, à ch’premier fiu
In vot que ch’ n’est pus si commote.


Si ch’ n’est pont pou les dorloter
Qu’avaint eux nos sons v’nus au monne,
A quo qu’ cha sert de n’ n’acater
Comme in m’ disot quind j’étos jônne.


Jou qu’ vos pinsez qu’ ch’est in plaisir,
Pour enn’ belle et fraich’ créature,
D’ vos imbrasser s’lon vo désir
A queuq’ indrots d’ vo laid’ figure ?


Sur cheull’ de s’ bonn’ mér, douch’ partout
Et qu’in a si quièr, cha s’esplique,
Mais faut qu’eun’ tioit’ n’euch’ pont d’ dégout
D' frotter l' seinn’ contt’ de l’ barb’ qui l' pique.