This page has been proofread.
- VISIONS ............................ 101
- Ch' mal in l' connot et coûtt' que coûte
- A s' racine in devrot l' coper
- Au liu d' l'accopagner su' l' route
- In criaint qu'in va l'attraper.
- Awi, l' coper, douch' plaisaint'rie !
- Intindez-vous à ch' mot brailler
- Chés gins d' commerce et d'industrie
- Qu'in les impêche d' travailler !
- N' faut pus pinser à d' si biau rêve
- Car dins l' jugeotte d' chés bonn' gins
- Qu'in s' saoûle, in se ruine et qu'in crève
- N'importt' s'y ramass'tent d' l'argint.
- Allons, minape, incore eun' cuite !
- Qu' cha t' fait si tes tiots in morront,
- Te dos êtt' fier qu' grâche à t' conduite
- Chés f'seux d'alcool s'inrichiront.
- D'vaint d'avoir brissodé t' semaine
- N' quitt' pont l' comptoir de ch'cabar'tier
- Car autermint te porros l' reinne
- In des pus à plainn' de ch' quartier.
- Ch'est qu' vos-tu, margré qu' cha t' seinn' rute,
- Comme à l' miser' t' es agali,
- Continu' d' boire à t'n habitute
- Vaut bin miux qu' te seuch' pauve qu' li.
- Et vous tiots imployés d'usine,
- Boutiquiers, gins d' toutt' sortt' d'état,
- Au liu d' rintrer dins vo cuisine
- A l'heur' pou mainger vo rata,
