This page has been proofread.
- VISIONS ............................ 95
- L' leinnmain sins forche et sins corache,
- S' caboch' vide, à bout d' volonté,
- Y s'in va grom'laint à s'n' ouvrache
- N' véyaint pont qu'il use s' sainté.
- Mais de ch'cabaret, bonn' pratique,
- Sins appétit, brôyé, cassé,
- I1 a bintôt l'air d'in étique,
- Pis, comm' si ch' n'étot pont assez :
- Au liu d' mette au monne eun' famille
- D' tiots bien portaints, rétus et r'v'leux,
- S'femm' démènn'vé', battue, in gu'nille
- N'a qu' des lapitt', des scrofuleux.
- L' pus pire et cha n' s'rot pont à croire
- Si l' vérité povot s' mucher,
- A m'sur' qu'aug'minte s' passion d' boire
- Ch' buveux n' peut pus se n' n'impêcher
- D'abord chaq' jour amène s' cuite,
- Car dins s'n estoma trop cauffé
- Suffit qu'y vers' deux verr' à l' suite
- Pour ête aussitôt impaffé.
- Et, dins ch' taudion puaint l'eau d' vie
- D' bon matin il est attablé,
- Pis, eun' fos plein, cominchaint s' vie
- Y crie et s'indort accablé.
- Après quind in l'a mis à l' porte,
- In l' véyaint rouler su chés qu'mins,
- Ou bin l'intindaint qu'y s'importe
- In battaint l'air aveuc ses mains,
