This page has been proofread.
92 ........................... VISIONS
- Composés d' rnasons d'in étache
- Aveuc in gardin à l'intour
- Ou ch' l'ouvrier pou s'n intourache
- Louot l' seinn' pou peu d' coss' par jour.
- Et d'in bout à l'autt' de l' semaine,
- Les lindis si bin qu' les sam'dis,
- Deux fos par jour l' ville étot pleine
- A l'heur' des r'pas d' gins dégourdis,
- Allaint ouvrer, prop' et d' bonn' mine,
- Frais comme ch' pisson sortaint d' l'iau,
- Taindis qu' pou leur, bonté divine !
- Porquoi qu'in n' vot pus rien d' si biau ?
- Porquoi qu'in intind parler d' ruines ?
- Qu'in cite l' nom d' tint d' banq'routiers ?
- Quoqu' ch'est qu'in freume autaint d'usines ?
- Qu'in fait grèv' dins tous chés métiers ?
- Porquoi qu' ch'est que l' débauche et ch' vice
- Roul't carrosse et peuplent l' prison,
- Qu'à ch' tribunal chés gins d' justice
- N' sav't pus à qui donner raison ?
- D'ù vient qu'au lieu d' faire s'tiott' p'lote
- In n' vit pus qu'à l'aide d' crédit ?
- Qu'in n'a pus confiaince in l'einn' l'aute ?
- Qu' souvint de s' parole in s' dédit ?
- C'pindaint d' raviser à l' surface
- In jur'rot qu' cha va d' miux in miux,
- Porquoi qu'au fond autt' cosse s' passe
- Si triss' qu'in n'ose in croir' ses yiux ?
