This page has been proofread.
- VISIONS ............................ 91
- Ichi, d'abord, ch'est eun' verr'rie
- Moutraint ses fours cauffés à blainc
- Ed'ù ch' souffleux comme à l' tuerie
- Ouvr' jusqu'à timps d' quéir su l' flainc ;
- Des mines d' carbon sont tout proches
- Dins lesqueulles l'jour et la nuit
- Des homm' porteux d'lainternes, d' pioches
- Déqueinn't par fornée et sins bruit ;
- Là bas ch'est eun' grainn' filature,
- Des dislill'ri', des hauts fourneaux,
- Pis des fabriques d' toutt' nature
- Ouvrageaint mill' sortes d' métaux.
- Et tout cha marchot l' long d' l'ainnée
- Sins arrêter au cominch'mint,
- Ch' l'ouvrier gaignot s' bonn' jornée,
- Chés maîtt' y f'sot't fortunn' ronn'mint.
- In n' savot d'ù donner d' la tête
- Tell'mint qu'y n'avot du traval,
- In r'muot ch' l'argint à l' brouette
- Et pas in ne s' plaignot d' sin mal.
- Margré qu'in n' n'occupot par mille
- N'avot point assez d'ouvriers,
- In f'sot chonq quarts, peine inutile
- Ch' l'ouvrache augmintot chaq' courrier.
- Aussi, joïeux d' vir bien s' conduire
- Lou personnel grainmint d' patrons
- S'étot't avisés d' fair' construire
- Près d' chaq' fabriq' des grainds corons
