Page:Bukvar staroslovenskoga jezika glagolskimi pismeni za čitanje crkvenih knjig.djvu/46

From Wikisource
Jump to navigation Jump to search
This page has been validated.

ⱞⱆⰽⱜ ⰰⰴⱁⰲⱜⰻⱈⱜ, ⰻ ⱁⱅⱜ ⰳⰾⱆⰱⰻⱀⱜⰻ ⱃⱁⰲⰰ: ⰻⰸⰱⰰⰲⰻ ⰵ ⱁⱅⱜ ⱆⱄⱅⱜ ⰾⱜ́ⰲⱁⰲⱜ, ⰴⰰ ⱀⰵ ⱂⱁⰶⱃⰵⰴⱜ́ ⰻⱈⱜ ⰰⰴⱜ, ⰴⰰ ⱀⰵ ⰲⱜⱂⰰⰴⱆⱅⱜ́ ⰲⱜ ⱅⱜ́ⱞⱆ: ⱀⱜ ⰸⱀⰰⱞⰵⱀⱁⱀⱁⱄⱜ́ⱌⱜ́ ⱄⰲⰵⱅⱜⰻⰻ̆ ⱄⰲⰵⱅⱆⱓ. Ⱓⰶⰵ ⰴⱃⰵⰲⰾⰵ Ⰰⰲⱃⰰⰰⱞⱆ ⱁⰱⱑ̇ⱋⰰⰾⱜ ⰵⱄⰻ, ⰻ ⱄⱑ̇ⱞⰵⱀⰻ ⰵⰳⱁ.

Ⰶⱃⱜⱅⰲⱜⰻ ⰻ ⱞⱁⰾⰵⱀⰻⱑ ⱅⰵⰱⱑ̇, Ⰳⱁⱄⱂⱁⰴⰻ, ⱈⰲⰰⰾⱜⰻ ⱂⱃⰻⱀⱁⱄⰻⱞⱜ: ⱅⱜⰻ ⱂⱃⰻⰻⱞⰻ ⰸⰰ ⰴⱆⱎⰵ ⱁⱀⱜⰻ, ⰻⱈⱜⰶⰵ ⰴⱜ́ⱀⱜ́ⱄⱜ́ ⱂⰰⱞⰵⱅⱜ́ ⱅⰲⱁⱃⰻⱞⱜ: ⱄⱜⱅⰲⱁⱃⰻ ⰵ, Ⰳⱁⱄⱂⱁⰴⰻ, ⱁⱅⱜ ⱄⱜⱞⱃⱜⱅⰻ ⱂⱃⱑ̇ⰻⱅⰻ ⰽⱜ ⰶⰻⰸⱀⰻ.

Ⱓⰶⰵ ⰴⱃⰵⰲⰾⰵ Ⰰⰲⱃⰰⰰⱞⱜⱆ ⱁⰱⱑ̇ⱋⰰⰾⱜ ⰵⱄⰻ, ⰻ ⱄⱑ̇ⱞⰵⱀⰻ ⰵⰳⱁ.

Pošto se Svećenik pričesti

Ⱄⰲⱑ̇ⱅⱜ ⰲⱑ̇ⱍⱜ́ⱀⱜⰻⰻ̆ ⰴⰰ ⱄⰲⱑ̇ⱅⰻⱅⱜ́ ⰻⱞⱜ Ⰳⱁⱄⱂⱁⰴⰻ, ⱄⱜ Ⱄⰲⰵⱅⱜⰻⱞⰻ ⱅⰲⱁⰻⱞⰻ ⰲⱜ ⰲⱑ̇ⰽⱜⰻ: ⱑⰽⱁ ⱂⱃⱑ̇ⱞⰻⰾⱁⱄⱅⰻⰲⱜ ⰵⱄⰻ.

Ⱂⱁⰽⱁⰻ̆ ⰲⱑ̇ⱍⱜ́ⱀⱜⰻⰻ̆ ⰴⰰⱃⱆⰻ̆ ⰻⱞⱜ Ⰳⱁⱄⱂⱁⰴⰻ: ⰻ ⱄⰲⱑ̇ⱅⱜ ⰲⱑ̇ⱍⱜ́ⱀⱜ́ⰻⰻ̆ ⰴⰰ ⱄⰲⱑ̇ⱅⰻⱅⱜ́ ⰻⱞⱜ.

Ⱄⱜ Ⱄⰲⰵⱅⱜⰻⱞⰻ ⱅⰲⱁⰻⱞⰻ ⰲⱜ ⰲⱑ̇ⰽⱜⰻ: ⱑⰽⱁ ⱂⱃⱑ̇ⱞⰻⰾⱁⱄⱅⰻⰲⱜ ⰵⱄⰻ.

Za Misom.

Ⱄⰲⱁⰱⱁⰴⰻ ⱞⰵ, Ⰳⱁⱄⱂⱁⰴⰻ, ⱁⱅⱜ ⱄⱜⱞⱃⱜⱅⰻ ⰲⱑ̇ⱍⱜ́ⱀⱜⰻⰵ ⰲⱜ ⰴⱜ́ⱀⱜ́ ⱁⱀⱜ ⱅⱃⰵⱂⰵⱅⱜ́ⱀⱜⰻⰻ̆. * Ⰽⱜⰳⰴⰰ ⱀⰵⰱⰵⱄⰰ ⱂⱁⰴⰲⰻⰳⱀⱆⱅⱜ́ ⱄⰵ ⰻ ⰸⰵⱞⰾⱑ. * Ⰵⰳⰴⰰ ⱂⱃⰻⰻⰴⰵⱎⰻ ⱄⱆⰴⰻⱅⰻ ⰲⱑ̇ⰽⱆ ⱁⰳⱀⰵⱞⱜ́.

Ⱅⱃⰵⱂⰵⱅⱜ́ⱀⱜ ⰱⱜⰻⱈⱜ ⰰⰸⱜ, ⰻ ⰱⱁⱓ ⱄⰵ, ⰵⰳⰴⰰ ⰻⱄⱅⰵⰸⰰⱀⰻⰵ ⱂⱃⰻⰻⰴⰵⱅⱜ́ ⰻ ⰳⱃⰵⰴⱜⰻⰻ̆ ⰳⱀⱑ̇ⰲⱜ.

Ⰽⱜⰳⰴⰰ ⱀⰵⰱⰵⱄⰰ ⱂⱁⰴⰲⰻⰳⱀⱆⱅⱜ́ ⱄⰵ ⰻ ⰸⰵⱞⰾⱑ.