Page:Bukvar staroslovenskoga jezika glagolskimi pismeni za čitanje crkvenih knjig.djvu/34

From Wikisource
Jump to navigation Jump to search
This page has been validated.

Kako se služi S. Misa


Svećenik. Ⰲⱜ ⰻⱞⰵ Ⱁⱅⱜ́ⱌⰰ ⰻ Ⱄⱜⰻⱀⰰ ⰻ Ⰴⱆⱈⰰ Ⱄⰲⰵⱅⰰⰳⱁ. Ⰰⱞⰵⱀⱜ. Ⰲⱜⱀⰻⰴⱆ ⰽⱜ ⱁⰾⱅⰰⱃⱓ Ⰱⱁⰶⰻⱓ.

Sluga. Ⰽⱜ Ⰱⱁⰳⱆ ⰲⰵⱄⰵⰾⰵⱋⱆⱞⱆ ⱓⱀⱁⱄⱅⱜ́ ⱞⱁⱓ.

Sv. Ⱄⱆⰴⰻ ⱞⰻ, Ⰱⱁⰶⰵ, ⰻ ⱃⰰⱄⱆⰴⰻ ⱂⱃⱓ ⱞⱁⱓ ⱁⱅⱜ ⰵⰸⱜⰻⰽⰰ ⱀⰵⱂⱃⱑ̇ⱂⱁⰴⱁⰱⱜ́ⱀⰰ: ⱁⱅⱜ ⱍⰾⱁⰲⱑ̇ⰽⰰ ⱀⰵⱂⱃⰰⰲⱜ́ⰴⱜ́ⱀⰰ ⰻ ⰾⱜ́ⱄⱅⰻⰲⰰ ⰻⰸⰱⰰⰲⰻ ⱞⰵ.

Sl. Ⱑⰽⱁ ⰲⱜⰻ ⰵⱄⰻ Ⰱⱁⰶⰵ ⰽⱃⱑ̇ⱂⱁⱄⱅⱜ́ ⱞⱁⱑ: ⰲⱜⱄⰽⱆⱓ ⱁⱅⱃⰻⱀⱆ ⱞⰵ? ⰻ ⰲⱜⱄⰽⱆⱓ ⱄⱑ̇ⱅⱆⰵ ⱈⱁⰶⰴⱆ, ⰵⰳⰴⰰ ⱄⱜⱅⱆⰶⰰⰵⱅⱜ́ ⱞⰻ ⰲⱃⰰⰳⱜ.

Sv. Ⱂⱁⱎⰾⰻ ⱄⰲⱑ̇ⱅⱜ ⱅⰲⱁⰻ̆, ⰻ ⰻⱄⱅⰻⱀⱆ ⱅⰲⱁⱓ: ⱅⰰ ⱞⰵ ⱀⰰⱄⱅⰰⰲⰻⱄⱅⰰ ⰻ ⰲⱜⰲⰵⰴⱁⱄⱅⰰ ⰲⱜ ⰳⱁⱃⱆ ⱄⰲⰵⱅⱆⱓ ⱅⰲⱁⱓ, ⰻ ⰲⱜ ⱄⰵⰾⰵⱀⰻⱑ ⱅⰲⱁⱑ·

Sl. Ⰻⰲⱜⱀⰻⰴⱆ ⰽⱜ ⱁⰾⱅⰰⱃⱓ ⰱⱁⰶⰻⱓ: ⰽⱜ Ⰱⱁⰳⱆ ⰲⰵⱄⰵⰾⰵⱋⱆⱞⱆ ⱓⱀⱁⱄⱅⱜ́ ⱞⱁⱓ.

Sv. Ⰻⱄⱂⱁⰲⱑ̇ⱞⱜ́ ⱄⰵ ⱅⰵⰱⱑ̇ ⰲⱜ ⰳⱆⱄⰾⰵⱈⱜ Ⰱⱁⰶⰵ, Ⰱⱁⰶⰵ ⱞⱁⰻ̆. Ⰲⱜⱄⰽⱆⱓ ⱂⱃⰻⱄⰽⱃⱜⰱⱜ́ⱀⰰ ⰵⱄⰻ ⰴⱆⱎⰵ ⱞⱁⱑ, ⰻ ⰲⱜⱄⰽⱆⱓ ⱄⱜⱞⱆⱋⰰⰵⱎⰻ ⱞⰵ ?

Sl. Ⱆⱂⱜⰲⰰⰻ̆ ⱀⰰ Ⰱⱁⰳⰰ, ⱑⰽⱁ ⰵⱋⰵ ⰻⱄⱂⱁⰲⱑ̇ⱞⱜ́ ⱄⰵ ⰵⱞⱆ: ⱄⱜⱂⰰⱄⰵⱀⰻⰵ ⰾⰻⱌⱆ ⱞⱁⰵⱞⱆ, ⰻ Ⰱⱁⰳⱜ ⱞⱁⰻ̆.

Sv. Ⱄⰾⰰⰲⰰ Ⱁⱅⱜ́ⱌⱆ ⰻ Ⱄⱜⰻⱀⱆ ⰻ Ⰴⱆⱈⱆ Ⱄⰲⰵⱅⱆⱞⱆ.

Sl. Ⱑⰽⱁⰶⰵ ⰱⱑ̇ ⰻⱄⰽⱁⱀⰻ, ⰻ ⱀⱜⰻⱀⱑ̇ ⰻ ⱂⱃⰻⱄⱜ́ⱀⱁ, ⰻ ⰲⱜ ⰲⱑ̇ⰽⱜⰻ ⰲⱑ̇ⰽⱁⰲⱜ. Ⰰⱞⰵⱀⱜ.