Ⱅⱜⰻ, ⱂⱁⰱⱑ̇ⰴⰻⰲⱜ ⱄⱜⱞⱃⱜⱅⱜ́ⱀⱁⰵ ⰶⰵⰾⱁ, * ⱁⱅⱜⰲⱃⱜⰸⰾⰻ ⰵⱄⰻ ⰲⱑ̇ⱃⱆⱓⱋⰻⱞⱜ ⱌⰰⱃⱜ́ⱄⱅⰲⰻⱑ ⱀⰵⰱⰵⱄⱜ́ⱀⰰⱑ.
Ⱅⱜⰻ ⱁ ⰴⰵⱄⱜ́ⱀⱆⱓ Ⰱⱁⰳⰰ ⱄⰵⰴⰻⱎⰻ * ⰲⱜ ⱄⰾⰰⰲⱑ̇ ⱁⱅⱜ́ⱍⰻ.
Ⱄⱆⰴⰻⱑ * ⰲⱑ̇ⱃⱆⰵⱎⰻ ⱄⰵ ⱂⱃⰻⰻⱅⰻ.
Ⱅⰵⰱⰵ ⱆⰱⱁ ⱂⱃⱁⱄⰻⱞⱜ, ⱂⰻⱞⱁⰸⰻ ⱃⰰⰱⱁⱞⱜ ⱅⰲⱁⰻⱞⱜ, * ⰻⱈⱜⰶⰵ ⰴⱃⰰⰳⱁⱌⱑ̇ⱀⱜ́ⱀⱁⱓ ⰽⱃⱜⰲⰻⱓ ⱁⱅⱜⰽⱆⱂⰻⰾⱜ ⰵⱄⰻ.
Ⱄⱜⱂⱁⰴⱁⰱⰻ ⱄⱜ Ⱄⰲⰵⱅⱜⰻⱞⰻ ⱅⰲⱁⰻⱞⰻ * ⰲⱜ ⰲⱑⱍⱀⱑ̇ⰻ̆ ⱄⰾⰰⰲⱑ̇ ⱍⰻⱄⰾⰻⱅⰻ ⱄⰵ ⰻⱈⱜ.
Ⱄⱜⱂⰰⱄⰻ ⰾⱓⰴⰻ ⱅⰲⱁⰵ, Ⰳⱁⱄⱂⱁⰴⰻ, * ⰻ ⰱⰾⰰⰳⱁⱄⰾⱁⰲⰻ ⰴⱁⱄⱅⱁⱑⱀⰻⰵ ⱅⰲⱁⰵ.
Ⰻ ⰻⱄⱂⱃⰰⰲⰻ ⰵ * ⰻ ⰲⱜⰸⱀⰵⱄⰻ ⰻⱈⱜ ⰴⱁ ⰲⱑ̇ⰽⰰ.
Ⱂⱁ ⰲⱜ́ⱄⰵ ⰴⱜ́ⱀⰻ * ⰱⰾⰰⰳⱁⱄⰾⱁⰲⰻⱞⱜ ⱅⰵ.
Ⰻ ⱈⰲⰰⰾⰻⱞⱜ ⰻⱞⰵ ⱅⰲⱁⰵ ⰲⱜ ⰲⱑ̇ⰽⱜ * ⰻ ⰲⱜ ⰲⱑ̇ⰽⱜ ⰲⱑ̇ⰽⰰ.
Ⰻⰸⰲⱁⰾⰻ, Ⰳⱁⱄⱂⱁⰴⰻ, ⰲⱜ ⰴⱜ́ⱀⱜ́ ⱄⰻⰻ̆ * ⰱⰵⰸⱜ ⰳⱃⱑ̇ⱈⰰ ⱄⱜⱈⱃⰰⱀⰻⱅⰻ ⱀⰰⱄⱜ.
Ⱂⱁⱞⰻⰾⱆⰻ̆ ⱀⰰⱄⱜ, Ⰳⱁⱄⱂⱁⰴⰻ, * ⱂⱁⱞⰻⰾⱆⰻ̆ ⱀⰰⱄⱜ.
Ⰴⰰ ⰱⱆⰴⰵⱅⱜ́ ⱞⰻⰾⱁⱄⱃⱜⰴⰻⰵ ⱅⰲⱁⰵ, Ⰳⱁⱄⱂⱁⰴⰻ, ⱀⰰ ⱀⰰⱄⱜ * ⱑⰽⱁⰶⰵ ⱆⱂⱜⰲⰰⱈⱁⱞⱜ ⱀⰰ ⱅⰵ.
Ⱀⰰ ⱅⰵ, Ⰳⱁⱄⱂⱁⰴⰻ, ⱆⱂⱜⰲⰰⱈⱜ: * ⰴⰰ ⱀⰵ ⱂⱁⱄⱅⰻⰶⰴⱆ ⱄⰵ ⰲⱜ ⰲⱑ̇ⰽⱜⰻ.
Red. Ⰱⰾⰰⰳⱁⱄⰾⱁⰲⰾⰵⱀⱜ ⰵⱄⰻ, Ⰳⱁⱄⱂⱁⰴⰻ, Ⰱⱁⰶⰵ ⱁⱅⱜ́ⱌⱜ́ ⱀⰰⱎⰻⱈⱜ.
Odg. Ⰻⱈⰲⰰⰾⰵⱀⱜ ⰻ ⱄⰾⰰⰲⱜ́ⱀⱜ ⰲⱜ ⰲⱑ̇ⰽⱜⰻ.
Red. Ⰱⰾⰰⰳⱁⱄⰾⱁⰲⰻⱞⱜ Ⱁⱅⱜ́ⱌⰰ ⰻ Ⱄⱜⰻⱀⰰ ⱄⱜ Ⱄⰲⰵⱅⱜⰻⱞⱜ́ Ⰴⱆⱈⱁⱞⱜ́.
Odg. Ⱈⰲⰰⰾⰻⱞⱜ ⰻ ⱂⱃⱑ̇ⰲⱜⰸⱀⱁⱄⰻⱞⱜ ⰻ ⰲⱜ ⰲⱑ̇ⰽⱜⰻ.
