Na sa cahandalan ni senior Goyena
can senial na siring, tolos pagcaquita;
pag-agui sa Rauis sagcod sa Bigaa,
tauo pataniran magpuli sa banua.
Iba pang visita rinconadong lugar
na nacacarani qui Mayong na Volcan,
Boyoan na barrio asin an Arimbay
inalao si tauo na pomabanuaan.
Igua pang circular sainda nag-abot
magna taga rincon nin Legasping sacop:
an napapalaman magpunli nangayod
duman sa banuaan magna tauo gabos.
Si D. Feliciano iyong enot baga,
actual na teniente Rauis na visita,
icadua caini D. Andrés Arienda,
iyo man an poon sa barriong Bigaa
Icatlo D. Felix na teniente actual,
cagsacop caidtong visitang Boyoan:
nagnagcuyog gabos, an tauo inalao
siring sa pagboot sinabing circular.
Can quina-agahan nin aldao na Jueves,
nagaaghoromalé sa harong homilig:
di sucat masabi an magna paghadit
huling nauiuili sadiring cadiquit.
Orog pa si pobre daing quinacacan,
nabubuhay sana cadtong catinamnan,
paaano dao gnaya, satong caaqui-an,
con quita idto na duman sa banuaan?
Si isay dao, gnaya, sato maheherac
na pagmacolganan satong pagcamogtac,
domoloc man gayod sa igua nin pirac,
quinacalculo nang daing ibabayad.
Nin huli caining magna cahandalan,
tagob na totoo labing cahaditan;
