an pagrorogaring garong di bayaan,
huli sa cadiquit nindang catinamnan.
Na sa catacotan qui Mayong na boquid
pirit capiritan sa harong homilig,
sarong pagsalignoy luha nadalihig,
ta nauiuilihan sadiring cadiquit.
Canogon pa gnaya, can satong hayopan,
Orig patin manoc babayaan palan:
magna gamogamo na pinagpagalan,
sayang ta canogon mauauarang basang.
Babaing nagtood sa pagsasadiri,
tagob na totoo pognao na macuri;
con haros damayan na masqui mapierde,
rogaring na buhay buling nauiuili.
Idtong ibang tauo huling catacotan,
nahaleng padalé sa sadiring solar:
an sa honahona ta nama an olay,
maca-arog cadtong tuga sa enotan.
Nin si horas caiyan a las onceng aga
comosog an Volcan nin magna pagtuga,
baybay asin abo, calayo caiba
na diminalihig (sic) can pagbulabuga.
Mala ta dai na boot na omagui
idtong cuadrillero na taga Legaspi,
nin huli sa oson can pagcatanaui,
nagdara nin handal tacot na macuri.
Na nagpatoyatoy sa mayor na dalan
an nagcacalayo inoson na baybay,
casabay si abo nin magna pag-oran,
na nag-abot tolos sa ibang banuaan.
Lambang macahiling oson na mabagsic
can pagdadalahay qui Mayong na buquid;
Orog idtong dulag na bagong humilig,
mismong paghomare nagnapapaliguid.
