Tauong nagtitios macuring lipognao,
conforme sa igua nin magna ti-unay,
na nacacatadom sa puso ó daghan,
cadtong tauong tagob labing casaquitan.
Sa linacaolacao caning padreng dua
riboc na totoo an pag-isip ninda,
solamente gnani na nacaguinhaua
caidtong pagdatong Cuadjutor y Cura.
An caiba ninda an mismong Capitan
paghalê sa Boló, Salvación na lugar
caidto man tolos ninda pacatânao.
baga sa tinacpid an saquit sa daghan.
Biong nagliuanag mamondong guiromdom,
panaleng mahalê pûğnao na marîgon,
sa pag-arabraza dai na sabihon
an pagpasalamat sa Dios na Poon.
Na dağnan caiyan an parte guinibo
nin Capitan asin nin Cura Párroco,
na sa Gobernador patin sa Vicario
nangyari sa Libog gnonian caning Junio.
Tará pacatapus can osipon ninda
na manlaenlaen inabot na vida;
dai na nag-anton ining duang Cura
nagpuling madalê sa destinong banua.
Legaspi y Albay ninda can pag-abot,
ipinagnag-osip nangyari sa Libog
idtong Secretario nin si pacasayod
dai nag-atrazo, naghumalê tolos.
Nagsacay madalê sagcod sa caiba
na si D. Getulio patin idtong guardia
