Mientras na dai pa sinda mina-abot
duman sa banua-an convento sa Libog,
ining duang padre mamondo an lauog
na baga mapugnao an saindang boot.
Nin huli dahelan di pa naquiquita
an casamang padres Cuadjutor y Cura,
horasa sa boot sabihon pa baga,
handal na macuri naman con ano na.
Sa irarom nin boot macosog an hadit
nagboborongborong sa pus6 an saquit
biong quinocogos halangcao na lagnit,
buli sa casama nindang Sacerdotes.
Con haros tomor6, luha magdalahay
si dacula ninda na calipognauan,
quinutob nin pulso labilabing pagal
huli sa macuring magna cahandalan.
Iyong mina-aguiat sa puso guiromdom,
con maquiquilignan si tauong torotong,
sarong pagtorohoc sa boot nasabong
an casamang Cura asin an Cuadjutor.
Nin si omabot na duman sa banua-an,
dai nag-oontoc nin tinorotanao,
can mahiling ninda convento mapugnao,
orog na nag-orog magna cahaditan,
Timinadom tolos sa paghonahona
caning duang Cura macuring horasa,
huling dai lamang sarong mamentana
na tumanao gnava, lamang sa satuya.
Caidtong pagdatong padaleng sumacat
na dai nag-odong nin hinanaphanap;
laog nin convento pinacasiasat
con haen dao gnaya, sinda camomogtac.
