iba pa caining nagsonod sainda,
cadacilan na tauo boot maghignita.
Pag-abot sa Libog, dagos sa Tribunal,
sinaray man tolos magna may catongdan,
sagcod sa carreta na paghahacotan
balaquid na tauo na nagcagaradan.
Bilog na maghapon nin pagparahacot
can limang carreta dai pa naobos,
na sa campo Santo banua-an sa Libog,
napand nin tauo na nagsosorosog.
Tara pagcahapon nagpuli man sana
idtong secretario sagcod pa an guardia,
asin pinagtogon saiyang caiba,
magbalic guiraray tolos pagca-aga,
Mag-ibang polistas na magsasaracbot
garadan na tauo sa partidong Libog;
capitan, sa civil iyong nacasonod
sageod sa médico nagnagpacagoboc.
An balang aboton igua pang guinhaua
tolos binogtacan magna medicina,
siring sa pagboot nin Real Justicia,
guibohon an herac sa tauong capua,
Bacacay, Legaspi nanaggoboc duman
an magna lalaqui pagsacbot nin gadan;
magna taga Libog aqui ta magurang
sagcod sa babai cairibang anan
An cabalaquidan na siring sa tagna,
pasarasarabat daing magpainda;
may binobuligan, may na sa carreta,
duman naghahalé sa magna visita.
Di sucat masabi luhang nagdalihig
magna taga Libog, na nagbuburulig
orog con an gadan saindang mami
tugang o aqui man, carnal na parientes.
