Dai co maobos na icapagsaysay
an magna sucede iba pang banuaan,
Guinobatan asin sagcod pa sa Ligao,
ó magna visita na cabalaquidan.
Na con dauà gnani sa Nueva Caceres,
sinda may distancia qui Mayong nabuquid,
igu min suceso na ipinag-oosip
cadtognaning bangui can aldao na Viernes.
Na soboot, igua dao nin saró ca tauo,
pagmatang matagnà nag-angot na gayo;
naghapot, con isay ğnayang, poderoso,
si sacong higdaan sinibuagan abo.
Barriong Bagong-bayan igua man mag-agom
halé sa sugalan ta magna jugador;
na sa banguing idto nin huli sa diclom
nacahusog sinda duman cadtong bobon.
Na siring man sana, banuang S. Fernando,
sinabi nang fecha may magna suceso,
na sa cadicloman cadtong banguing idto
nanagcalagalag ibang magna tauo,
Sa pinagsabi na Grijalbong visita,
may tolo ca tauong naghalé sa banua,
sa tiniğnag-tiğnag nalágan si mata
can abóng naglupad siring na sa buta.
Nagcucuapcuap duman sa caomhan
dai natotoltol si sadit na dalan;
macuri an angot ta ğnaya, isay dao
nagsabung sa sató abo asin baybay.
Igua man solterong matagastagas na,
halè sa pagpasiar sa sarong soltera,
sa cosóg nin diclom pagpuli sainda,
duman na-agahan sa poon nin manga.
Sa cabalaquidan nin mağna partido,
inabot can oran baybay asin abo,
