This page has been validated.
Si taga Bacacay digdi isompay co,
nangyari sainda can pagtugang idto,
sa cosog min buquid biong na-olacbo,
na magcadalcadal saindang convento.
Ta mala pa gnani yaon napahayag,
campanario ninda biong guiminatac
sa quinonogconog o binoladbocad
can Volcan, na dai mayó nin paglubad.
Asin dai sinda nagparong nin ilao,
laog tolong bangui patin tolong aldao;
con caya an luba nin taga Bacacay
na ini na guaya, satong catapusan.
Na sa cahibogan nin abong nagholog,
balaquid na harong an nagcaroronot,
na sagcod pa daa, banuang Malilipot
ibang caharognan garabang padagos.
