dai co ma-obos pagsaysay saindo
sagcod cadagatan ó magna desierto.
Na sagcod pa daa, sa parteng Masbate,
inabot nin abo can vierues na bengui:
banuang Catandognan iyo man nangyari
an tauo namongnan, handal in macuri.
Na siring man sana sa Punta Santiago,
inabot man daa, naglupad na abo:
diatà con siring sa sacong cálculo,
inabot man sagcod dagang Iloilo.
Mala pa an taga vapor Dos i ermanos,
caiyan mismong fecha sinda dao natacot
sa nagdadağnadang na dampog sa lauod,
caya napa-ili sa Daet pagtagnod.
Nin si omabot na an doros sa Daet,
an gabos na tauo iyong pagcamidbid,
chubascong natànao caining arraez,
man palan ta abo qui Mayong na buquid.
Sa gabos caini isasagcod co na
magna agui-agni cadtong tauong iba;
asin menos cadtong iba pang noticia,
na di co siasat asin di naquita.
Sa herac nin Dios, ni Virgen na mahal,
can fecha veintiseis na Sabadong aldao,
cadtong pagca-aga may caguinhauahan
an gabos na tauo na nagtataránao.
Pagca hiling ğnani na nagpupursuas,
mahibog na dampog pasiring sa dagat;
an si isay pa man na naca camalas,
di sucat masabi an pagpasalamat.
Sa pagparacpatac na dai nin ontoc,
tolos nagliuanag sa tağnod nin Libog,
