[᭓᭔ 34B]
᭓᭔
ᬧᬸᬲᬸᬂᬫᬶᬭᬶᬩ᭄ᬫᬜᬶᬓ᭄ᬱᬶᬓ᭄᭞ᬫᬶᬯᬄᬫᬫᬶᬗ᭄ᬲᭂᬕᬶᬦ᭄ᬋᬓᭀ᭞ᬦᬗ᭄ᬳᬶᬂᬯᬦ᭄ᬢᬄᬢᬦ᭄ᬓᬮᬶᬗᬸ᭞ᬢᬸᬗ᭄ᬓᬸᬮ᭄ᬩᭂᬗᭀᬂᬫᬘᬶᬗᬓᬦ᭄ᬲᬫ᭄ᬩᬶᬮ᭄ᬦᬗᬶᬲ᭄᭞ᬗᬮᬶᬂᬮᬶᬂᬧᬸᬢ᭄ᬭᬧᬸᬢ᭄ᬭᬬᬦ᭄᭟
ᬫᬶᬯᬄᬲᬤᬕᬶᬗᬶᬂᬢᬫᬦ᭄᭞ᬫᬳᬶᬭᬶᬩ᭄ᬬᬫᬶᬮᬸᬲᭂᬤᬶᬄ᭞ᬲᬫᬶᬫᬦᬦ᭄ᬤᬂᬓᬮ᭠ᬭᭀᬦ᭄᭞ᬩᬸᬦ᭄ᬯᬮᬲ᭄ᬳᬲᬶᬳᬾᬮᬬᬸ᭞ᬗᬦ᭄ᬢᭂᬦᬂᬳᬶᬤᬓᬮᬭᬦ᭄᭞ᬢᬶᬬᬶᬂᬕᬤᬶᬂ᭞ᬫᬲ᭄ᬭᬶᬬᭀ᭠
ᬓ᭄ᬫᬶᬭᬶᬩ᭄ᬜᭂᬗᬳᬂ᭚᭜᭚ᬧᬸᬧᬸᬄᬲᬶᬦᭀᬫ᭄᭚ᬢᬦ᭄ᬘᬭᬶᬢᬦᭂᬦ᭄ᬧᬸᬦᬶᬓ᭞ᬲᭂᬫᭂᬂᬳᬸᬲᬦᬾᬫᬲᬸᬘᬶ᭞ᬓᬜ᭄ᬘᬶᬢ᭄ᬭᬯᬸᬄᬳᬶᬧᬯᭀᬗᬦ᭄᭞ᬫᬢᬶᬫ᭄ᬧᬸᬄᬭᬭᬶᬲ᭄᭠
ᬗᬪᬓ᭄ᬢᬶ᭞ᬫᬢᬹᬃᬲᬫ᭄ᬩᬶᬮ᭄ᬫᬗᭂᬮᬶᬂ᭞ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬲᬫ᭄ᬧᬸᬦ᭄ᬭᬯᬸᬄ᭞ᬳᬶᬤᬗᬦ᭄ᬤᬶᬓᬳᬶᬦ᭄ᬢᬶᬢᬶᬬᬂ᭞ᬲᬗ᭄ᬳ᭄ᬬᬂᬲ᭄ᬫᬭᬲᬾᬤᬫᬗ᭄ᬓᬶᬦ᭄᭞ᬲᬫ᭄ᬧᬸᬦ᭄ᬧᬸᬯᬸᬦ᭄᭞ᬳᬦ᭄ᬢᬸᬓ᭄ᬳᬶᬤᬲᬗ᭄ᬳ᭄ᬬᬂᬰᬶᬯ᭄ᬯ᭟
[᭓᭕ 35A]
᭓᭕
ᬳᭂᬦ᭄ᬤᭂᬄᬢᬗᬶᬲᬾᬭᬶᬂᬧᬸᬭ᭞ᬧᬜ᭄ᬚᭂᬭᭀᬳᬦ᭄ᬲᬫᬶᬫᬗᭂᬮᬶᬂ᭞ᬧᬕᭂᬮᬸᬃᬫᬩᬶᬬᬬᬸᬳᬦ᭄᭞ᬓᬕᬶᬬᬢ᭄ᬳᬶᬤᬲᬗ᭄ᬳ᭄ᬬᬂᬭᬢᬶᬄ᭞ᬧᬗᬓ᭄ᬱᬶᬦᬾᬫᬗ᭄ᬭᬶᬭᬶᬓ᭄᭞ᬳᬸᬤᭂᬧ᭄ᬧᬗ᭠
ᬓ᭄ᬱᬶᬦᬾᬍᬲᬸ᭞ᬦᬦᭂᬂᬢᬦ᭄ᬫᬗᬦ᭄ᬤᬶᬓ᭞ᬩᭂᬮ᭄ᬩᭂᬮᬦ᭄ᬓᬬᬸᬦᬾᬫᬗ᭄ᬓᬶᬦ᭄᭞ᬳᭂᬫᬃᬍᬲᬸᬭᬶᬂᬦᬢᬃᬳᬶᬤᬫᬸᬮᬶᬲᬄ᭟ᬢᬦ᭄ᬫᬶᬚᬶᬮ᭄ᬬᬾᬄᬧᬜᬶᬗᬓᬦ᭄᭞ᬧᭂᬢᭂᬂᬚᬕᬢᬾᬓᬳᬓ᭄ᬱᬶ᭞
ᬤᬾᬦᬶᬂᬲᬸᬗ᭄ᬲᬸᬢᬾᬓᬮᬶᬦ᭄ᬢᬂ᭞ᬤᭂᬓ᭄ᬤᭂᬓᬬᬸᬦᬾᬓᬢᬦ᭄ᬲᬶᬧᬶ᭞ᬢᬦ᭄ᬳᬸᬦᬶᬂᬫᬧᬶᬦᭂᬄᬫᬮᬶᬄᬭᬕᬦᬾᬧᬦ᭄ᬢᬶᬕᬂᬲᬫ᭄ᬧᬸᬦ᭄᭞ᬓᬩᬢᭂᬓ᭄ᬳᬦ᭄ᬢᬸᬓᬮᬭᬦ᭄᭞ᬭᬾᬄᬯᬳᬸᬫᬢᭂᬫᬸᬓᬲᬶᬄ᭞ᬫᬶ᭠
ᬯᬄᬮᬸᬮᬸᬢ᭄᭞ᬯᬶᬥᬶᬦᬾᬚᬳᬶᬮ᭄ᬫ᭄ᬩᭂᬮᬲᬂ᭟ᬭᬯᬸᬄᬲᬂᬧᬭᬤᬾᬯᬢ᭞ᬫᬓᬫᬶᬯᬄᬲᬧ᭄ᬢᬋᬱᬶ᭞ᬤᬾᬯᬶᬭᬢᬶᬄᬗᭂᬫ᭄ᬩᭂᬂᬯᬱ᭄ᬧ᭞ᬜᬶᬗᬓ᭄ᬤᬾᬯᬢᬦᬾᬲᬫᬶ᭞ᬭᬫ᭄ᬩᬸᬢ᭄ᬧᬲ᭄ᬭᬯᬾ᭞
