[᭓᭓ 33B]
᭓᭓
ᬭᬢᬸ᭞ᬫᬳᬶᬭᬶᬩ᭄ᬳᬲᬧᬸᬦᬶᬓ᭞ᬓᬧᬶᬦᭂᬳᬶᬦ᭄᭞ᬭᬯᭀᬲ᭄ᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭟ᬲᬗ᭄ᬳ᭄ᬬᬂᬇᬦ᭄ᬤ᭄ᬭᬓᬗᭂᬦ᭄ᬧᬶᬲᬦ᭄᭞ᬭᬭᬶᬲ᭄ᬫᬫᬸᬚᬦᬾᬫᬗ᭄ᬓᬶᬦ᭄᭞ᬳᬦ᭄ᬢᬸᬓ᭄ᬲᭂᬓᬃᬲᭂᬤᬄᬋ
ᬓᭀ᭞ᬢᬸᬫᬸᬮᬶᬭᬭᬶᬲ᭄ᬳᬸᬫᬦ᭄ᬢᬸᬓ᭄᭞ᬳᬶᬤᬫᬗ᭄ᬮᬶᬗ᭄ᬕᬶᬳᬶᬦ᭄ᬕᬚᬄ᭞ᬲᬧ᭄ᬢᬋᬱᬶ᭞ᬳᬶᬤᬫᬫᬃᬕ᭄ᬕᬶᬗᬫ᭄ᬩᬭ᭟ᬫᬓᬫᬶᬯᬄᬯᬶᬤ᭄ᬬᬥᬭ᭞ᬤᬾᬯᬢᬦᬾᬫᬓᬲᬫᬶ᭞
ᬢᬦ᭄ᬘᬭᬶᬢᬬᬂᬧᬸᬦᬶᬓ᭞ᬭᬩᬶᬦ᭄ᬳᬶᬤᬦᬾᬲᬂᬮᬫ᭄ᬧᬸᬲ᭄᭞ᬫᬗ᭄ᬓᬶᬦ᭄ᬘᬭᬶᬢᬬᬂᬢᬶᬢᬶᬬᬂ᭞ᬤᬾᬯᬶᬭᬢᬶᬄ᭞ᬗᬦ᭄ᬢᭀᬲ᭄ᬳᬶᬤᬲᬗ᭄ᬳ᭄ᬬᬂᬲ᭄ᬫᬭ᭟ᬲᬧᬮᬸᬗᬦ᭄ᬲᬗ᭄ᬳ᭄ᬬᬂᬲ᭄ᬫ
ᬭ᭞ᬮᬸᬗ᭄ᬳᬵᬓᬲᬸᬫᬾᬭᬸᬕᬶᬭᬶ᭞ᬲᬋᬂᬤᬾᬯᬢᬦᬾᬋᬓᭀ᭞ᬤᬸᬓ᭄ᬧᬸᬦᬶᬓᬓ᭠ᬯᬶᬢ᭄ᬳᬶᬧᬸᬦ᭄᭞ᬲᬗ᭄ᬳ᭄ᬬᬂᬭᬢᬶᬄᬫᬩᬭᬢ᭞ᬭᬶᬂᬚ᭄ᬭᭀᬧᬸᬭᬶ᭞ᬫᬗᬦ᭄ᬢᭀᬲ᭄ᬳᬶᬤ᭠
[᭓᭔ 34A]
᭓᭔
ᬳᬶᬭᬶᬓᬵ᭟ᬢᬦ᭄ᬢᬸᬦᬓᬳᬬᬸᬦ᭄ᬳᬶᬤ᭞ᬬᬤᬶᬦ᭄ᬚᭂᬮᬧ᭄ᬓᬓᬶᬭᬗᬶᬦ᭄᭞ᬮᬾᬤᬗᬾᬫᬭᬶᬂᬧᬢᬸᬭᭀᬦ᭄᭞ᬓᬲᬸᬲᬸᬧᬂᬚ᭄ᬭᭀᬦᬶᬂᬓᬬᬸᬦ᭄᭞ᬧᬸᬦᬶᬓᬳᬯᬶᬦᬦ᭄
ᬧᬸᬲᬂ᭞ᬓᬢᬶᬗ᭄ᬕᬮᬶᬦ᭄᭞ᬗᬯᬶᬦᬂᬲᬓᬶᬢ᭄ᬓᬮᬭᬦ᭄᭞ᬳᬶᬯᬂᬲᭂᬤᬶᬳᬾᬲᬸᬲᬸᬧᬂ᭞ᬫᬮᬶᬄᬮᬸᬮᬸᬢᬾᬳᬸᬮᬸᬭᬶᬦ᭄᭞ᬤᬢᬦᬾᬧᬶᬋᬗᬂᬋᬓᭀ᭞ᬘᬫᬭᬫᬶᬭᬶᬩ᭄
ᬳᬸᬮᬗᬸᬦ᭄᭞ᬳᭀᬲᬄᬫᬶᬭᬶᬩ᭄ᬫᬕᬫ᭄ᬩᬳᬦ᭄᭞ᬳᬶᬤᬫᬗ᭄ᬓᬶᬦ᭄᭞ᬳᭀᬲᭂ᭠ᬓ᭄ᬳᬶᬤᬫᬫᬸᬮᬶᬲᬄ᭟ᬲᬓᬜ᭄ᬘᬦᬾᬗ᭄ᬕᬯᬾᬧᬸᬲᬂ᭞ᬫᬶᬭᬶᬩ᭄ᬦᬶᬜ᭄ᬚᭀᬳᬶᬤᬫᬗ᭄ᬓᬶᬦ᭄᭞ᬫᭂ᭠
ᬫ᭄ᬩᬄᬬᬾᬄᬧᬦᭀᬦᬾᬋᬓᭀ᭞ᬫᬶᬭᬶᬩ᭄ᬳᬶᬧᬸᬦ᭄ᬫᬢᬢᬸᬮᬸᬂ᭞ᬳᬶᬗ᭄ᬕᭂᬮ᭄ᬳᬶᬤᬦᬾᬧᬸᬦᬶ᭠ᬓ᭞ᬲᬢ᭄ᬫᭂᬤᭂᬮᬶᬦ᭄᭞ᬩᭂᬢᭂᬓ᭄ᬘᭀᬓᭀᬭᬾᬫᬫᬸᬥᬓ᭄᭟ᬭᬫ᭄ᬩᬸᬢᬾᬦᬾᬗᬸᬤᬗᬸᬤ᭞ᬭᬶᬂ᭠
