[᭓᭕ 35B]
᭓᭕
ᬯᬶᬬᬓ᭄ᬢᬶ᭞ᬫᬕᬫ᭄ᬩᬳᬦ᭄ᬢᬦ᭄ᬓᬮᬶᬗᬸ᭞ᬢᬦ᭄ᬳᬸᬦᬶᬂᬫᬫᬶᬦᭂᬳᬂ᭞ᬫᬸᬮᬶᬲᬄᬳᬶᬤᬫᬦᬗᬶᬲ᭄᭞ᬗ᭄ᬕᭂᬮᬸᬢ᭄ᬘᭀᬓᭀᬃ᭞ᬳᬶᬤᬤᬂᬳ᭄ᬬᬂᬯᬺᬳᬲ᭄ᬧᬢᬶᬬᬵ᭟ᬲᬂᬲᭂᬤᬶᬄᬭᬭᬶᬲ᭄ᬳᬗᬸ᭠
ᬘᬧ᭄ᬭᬢᬸᬲᬗ᭄ᬳ᭄ᬬᬂᬲᬸᬭᬧᬢᬶ᭞ᬳᬓ᭄ᬱᬶᬢᬶᬢ᭄ᬬᬂᬫᬗ᭄ᬓᬶᬦ᭄ᬤᬾᬯ᭄ᬯ᭞ᬲᬗ᭄ᬳ᭄ᬬᬂᬲ᭄ᬫᬭᬤᬶᬚᬫᬗ᭄ᬓᬶᬦ᭄᭞ᬤᬾᬦᬶᬂᬲᬋᬗᬦ᭄ᬫᬫᬃᬕ᭄ᬕᬶ᭞ᬓᬫᬳᬵᬫᬾᬭᬸᬦᬾᬤᬸᬫᬸᬦ᭄᭞ᬓᬮᬶᬄᬤᬂᬳ᭄ᬬᬂᬯᬺᬳ
ᬲ᭄ᬧᬢᬶᬬ᭞ᬳᬶᬤᬾᬯᬭᬯᬸᬄᬦᬾᬫᬗ᭄ᬓᬶᬦ᭄᭞ᬫᬗ᭄ᬕᬶᬄᬳᬬᬸ᭞ᬲᬋᬂᬤᬾᬯᬢᬲᬫᬶᬳᬦ᭄᭟ᬲᬗ᭄ᬳ᭄ᬬᬂᬲ᭄ᬫᬭᬓᬲᬗ᭄ᬲᬭ᭞ᬓᬢᬶᬗ᭄ᬕᬮᬶᬦ᭄ᬲᬋᬂᬲᬫᬶ᭞ᬭᬶᬂᬯᬶᬱᬕᭂᬦᬶᬦᬾᬋᬓᭀ᭞ᬢ᭠
ᬦ᭄ᬧᬶᬲᬦ᭄ᬭᬢᬸᬫ᭄ᬩᬯᭀᬲᬶᬦ᭄᭞ᬦᬧᬶᬲᬶᬲᬶᬧ᭄ᬳᬶᬤᬚᬢᬶ᭞ᬭᬶᬂᬮᬶᬗ᭄ᬕᬶᬄᬘᭀᬓᭀᬃᬳᬶᬭᬢᬸ᭞ᬳᬯᬶᬦᬦ᭄ᬲᬧᬸᬦᬶᬓᬬᬂ᭞ᬦᬯᬶᬳᬶᬤᬢᬸᬦᬪᬓ᭄ᬢᬶ᭞ᬜᬗ᭄ᬕ᭄ᬭᬜᬸᬳᬸᬦ᭄ᬯᬘᬦ
[᭓᭖ 36A]
᭓᭖
ᬜ᭄ᬘᭀᬓᭀᬃᬳᬶᬤᬾᬯ᭟ᬤᬸᬄᬭᬢᬸᬲᬗ᭄ᬳ᭄ᬬᬂᬲ᭄ᬫᬭ᭞ᬮᬘᬸᬃᬲᬦ᭄ᬚᬭᬢᬸᬫᬗ᭄ᬓᬶᬦ᭄᭞ᬓᬢᬸᬤᬸᬳᬂᬭᬶᬂᬲᭂᬗ᭄ᬓᬮ᭞ᬳᬦ᭄ᬢᬸᬓ᭄ᬤᬾᬯᬢᬦᬾᬲᬫᬶ᭞ᬕᬦ᭄ᬢᬶᬦ᭄ᬭᬢᬸᬲᬾᬤᬫᬗ᭄ᬓᬶᬦ᭄᭞ᬤᬾ
ᬯᬢᬦᬾᬗᬸᬮᬸᬓ᭄ᬳᬸᬮᬸᬓ᭄᭞ᬩᬳᬦ᭄ᬤᭂᬫᭂᬦᬾᬫᬜᬶᬗᬓ᭄᭞ᬲᬧᬸᬦᬶᬓᬶᬢᬶᬢᬶᬬᬂᬲᭂᬤᬶᬄ᭞ᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬳ᭄ᬬᬂᬲ᭄ᬫᬭᬓᬶᬚᬓᬓᬸᬢᬂ᭟ᬮᬶᬦ᭄ᬢᬂᬢᬦ᭄ᬳᬶᬘ᭄ᬙᬦ᭄ᬳᬶᬤᬾᬯ᭞ᬫᬲ᭄ᬯᬶ᭠
ᬢ᭄ᬭᬭᬶᬂᬳᬦᬓ᭄ᬫᬶᬲ᭄ᬓᬶᬦ᭄᭞ᬦᬶᬱ᭄ᬝᬦᬾᬓᬮᬶᬦ᭄ᬢᬂᬮᬶᬦ᭄ᬢᬂ᭞ᬲᬾᬤᬦ᭄ᬳᬶᬤᬦᬾᬦᬾᬫ᭠ᬗ᭄ᬓᬶᬦ᭄᭞ᬳᬶᬤᬾᬯᬫᬗᬃᬤ᭄ᬤᬶᬦᬶᬦ᭄᭞ᬮᬾᬤᬗᬂᬭᬢᬸᬭᬶᬂᬓᬬᬸᬦ᭄᭞ᬓ᭄ᬭᬡᬭᬢᬸᬫᬗ᭄ᬕᬬᬂ᭞ᬓ
ᬲᬗ᭄ᬲᬭᬲᬾᬤᬫᬗ᭄ᬓᬶᬦ᭄᭞ᬢᬦ᭄ᬓᬮᬶᬗᬸ᭞ᬓᬓᬸᬢᬂᬢᭂᬗᬳᬶᬂᬳᬮᬲ᭄᭟ᬲ᭠ᬧᬵᬮᬭᬢᬸᬢᬦ᭄ᬳᬶᬘ᭄ᬙ᭞ᬢᬸᬫᬸᬲᬂᬭᬢᬸᬦᬾᬫᬗ᭄ᬓᬶᬦ᭄᭞ᬭᬯᬸᬳᬶᬂᬢᬶᬢᬶᬬᬂᬧᬸᬧᬸᬢᬂ᭞
